¿Kichiuas iTaixyekanalis Dios maj amo onkaok neteuilis?

Keman moteuiaj akin nemij itech se altepet iniuan akin nemij itech okse altepet, kiualkui ueyi tajyouilis uan tayokol. Nikan moijtoua seki tein motematiltiani:

• “Xiuit tein tiualpanokej okachi miakej momikilijkej kemej amo keman panotoya desde 1994, porin onkak neteuilis kemej ompa Etiopía uan Ucrania” (Instituto de Investigación para la Paz de Oslo, 7 de junio de 2023).

• “Uelis tikijtoskej ke yejua semej ueyi neteuilis tein mochiuak ompa Ucrania itech xiuit 2022. Noyampa taltikpak, itech xiuit tein tiualpanokej, kemej 27% okachi moixnamikinij tekiuanij hasta kipeualtijkej neteuilis uan kinijtakoj miakej, kemej 1,700 millones” (Proyecto de Datos de Localización y Eventos de Conflictos Armados [ACLED], 8 de febrero de 2023).

Biblia kijtoua ke mochiuati se taman tein kualtsin. Kijtoua ke “Dios akin nemi iluikak kiixtalis se taixyekanalis tein amo keman ixpoliuis” (Daniel 2:44). Nejin yejua iTaixyekanalis Dios tein kichiuas maj amo onkaok “neteuilismej noyampa taltikpak” (Salmo 46:9).