¹² Ezequías peujka moueyineki. Yejua ika amo kitasojkamatiaok nochi nepaleuil tein Jiova kimakaka. Biblia amo kijtoua keyej kipataka itanemilil. Xa porin kintanik tateuianij asirios oso porin Jiova kipajtij. Oso xa porin tel tominpiaya uan kitelixmatiaj. Maski Ezequías kitekitilijka Jiova ika nochi iyolo, seki tonalmej moueyinekik. Jiova amo kiyolpaktij nejon. Sayoj ke satepan “moyolyemanij”, uan Dios kitapojpoluij (2 Crón. 32:25-27; Sal. 138:6).

¹⁴ Keman techiluiskej ke tel kuali tikchiujkej teisa, moneki tikelnamikiskej itajtoluan Jesús: “Kuak nankitamichiuaske ya namotekiu, ijkuakon moneki nankijtoske ijkuin: ‘Tejuan titakeualme ten amo teyika tikualtiaj, porin tikchiuke sayo ten [...] monekia tikchiuaske’” (Luc. 17:10). Maj tikelnamikikan ke keman Ezequías peuak moueyineki, amo kitasojkamatikok nochi nepaleuil tein Jiova kimakaka. Komo ijkon, ¿toni techpaleuis maj tiksentokakan tiknextikan yolyemanilis keman techiluiskej ke tel kuali titemakakej se tanojnots? Komo itech titanemiliaj tein Jiova toka kichiuani, ika titajtoskej yejuatsin uan keniuj techpaleuiani. Tein melauj, sayoj ueli titemakaj se tanojnots ika inepaleuil Biblia uan iyektikatsin espíritu Jiova.