12. 1) ¿Keyej moneki maj amo tiknemilikan tein amo kuali keman tikitaj ke Jonás kochito keman mochiujtoya tetsauit? (No xikonita nota.) 2) ¿Keniuj kinextij Jiova akoni katka itajtakol?

¹² Kemej kiita ke amo ueli tapaleuia, Jonás temoua tatampa, moteka takaltech uan kuali kochi.b Keman taixyekankej kiajsiti, kijxitia uan kiiluia maj kitataujti idios, ijkon kemej kichiujtokej nochin oksekin. Akin youij itech barco kuali kimatijya ke se dios kichiujtok nejon tetsauit, yejua ika kiixejekouaj maj teisa kinmatilti akoni itajtakol nejon ouijkayot. Jonás xa okachi moujkakalaki keman kiita ke nion semej nejon takamej kipia tajtakol. Niman momati tein melauak: Jiova kichiujtok nejon tetsauit uan axkan kinextijtok ke Jonás itajtakol porin amo kitakamatik (xikonixtajtolti Jonás 1:5-7).