8. 1) ¿Toni uelis kiixnextiskej tepemej itech Biblia? 2) ¿Toni kiixnextia “tepet olivos”?

⁸ Kemej “altepet” Jerusalén kiixnextia iTekiuajyo Dios, “tepet olivos, tein moajsi iixpan Jerusalén”, no kiixnextia teisa. ¿Toni nejon? ¿Uan keyej moneki “tajkoxeliuis” uan mochiuas ome tepemej? ¿Uan keyej kijtoua Jiova “tepemej tein noaxkauan”? (Xikonixtajtolti Zacarías 14:3-5.) Itech Biblia, tepemej kiixnextiaj tekiuajyomej. Uan tepet tein iaxka Dios kiteajsikamatiltia itatiochiualisuan uan inepaleuil (Sal. 72:3; Is. 25:6, 7). Yejua ika, “tepet olivos”, kampa Dios moketsa, kiixnextia iueyitaixyekanalis, tein kijtosneki, ke sayoj yejuatsin kinamiki taixyekanas itech nochi semanauak.

¡PEUAJ CHOLOUAJ ITECH ATAUIT!

11, 12. 1) ¿Kemanian peuak cholouaj itech atauit tein Jiova kitalij? 2) ¿Toni kinextia ke Jiova kipaleuijtok ixolal ika iueyi chikaualis?

¹¹ Jesús kinnejmachtij itatojtokakauan: “Namechtauelitaske porin namejuan nanyektakuautamatij nouan itech notokaytsin” (Mat. 24:9). Itech itamian tonalmej tein peuak itech xiuit 1914, okachi kisentokaj kintauelitaj itatojtokakauan Cristo. Itech Yekinika Neteuilis tein Mochiuak itech Nochi Taltikpak, taixnamikinij kinteltajyouiltijkej tokniuan taixpejpenalmej akin amo kikaujkej Dios, uan kemej tikitakejya, uelik kichiujkej maj sekin kintsakuanij. Maski ijkon, amo uelkej kiixpolojkej taneltokalis tein melauak, porin itech xiuit 1919 nejon tokniuan kiskej kampa tsaktoyaj. Satepan, ixolal Dios kisak itech Ueyi Babilonia, tein kijtosneki nochi taneltokalismej tein amo melaujkej tein moajsij nikan taltikpak (Apoc. 11:11, 12).a Itech nejon xiuit, peuak cholouaj itech atauit tein moajsi itech ome tepemej tein iaxka Jiova.

¹² Itech nejon xiuit 1919, atauit tein Jiova kitalij peuak kinmaka nepaleuil akin yekmelauj itekitikauan Dios tein moajsij noyampa taltikpak. Semi melauak ke uejkaujya itaixpantijkauan Jiova kintakaualtianij maj amo kikixtikan amaixmej tein ika tajtouaj Biblia uan kitemouanij kitsakuiliskej tanojnotsalis itech miak uejueyi altepemej. Sayoj ke, maski taixnamikinij kiteltemoskej keniuj kichiuaskej, amo uelis kiixpoloskej taneltokalis tein melauak. Jiova kipaleuijtok ixolal ika iueyi chikaualis (Deut. 11:2).

13. ¿Keniuj tiktemouaj nepaleuil itech atauit tein Jiova kitalij, uan keyej axkan okachi moneki maj ompa timokauakan?

¹³ Komo amo tikauaj Jiova uan tikseliaj tamachtilis tein melauak, yejuatsin uan iKonetsin, Jesucristo, techpaleuiskej. Dios amo kikauas maj nion teyi techuejkatili iuan (Juan 10:28, 29). Jiova kineki techpaleuis maj amo tikauakan iueyitaixyekanalis uan iTekiuajyo tein moajsi imako Cristo. Uan kemej ueyi tajyouilis amo uejkaua ejkos, axkan okachi motelneki maj timokauakan itech atauit tein Jiova kitalij.