16. 1) ¿Toni kipanoua chikiuit? (Xikonita taixkopin 3.) 2) ¿Kani kiuikaj chikiuit siuamej akin ajtapalejkej?

¹⁶ Ompa, nesij ome siuamej akin kipiaj ininajtapaluan chikaujkej kemej iajtapaluan cigüeña (xikonixtajtolti Zacarías 5:9-11). Nejin siuamej semi tamamej, amo kemej siuat akin kiixnextia tein amo kuali akin yetok iijtik chikiuit. Zacarías kiita ke kiajokuij chikiuit uan kiuikaj ika ininajtapaluan. ¿Kani kiuikaj? Itech “tal Sinar” oso Babilonia. ¿Keyej kiuikaj ompa?

17, 18. 1) ¿Keyej kinamiki maj kiuikakan chikiuit ompa Babilonia? 2) ¿Toni moneki tikixtaliskej tikchiuaskej?

¹⁷ Zacarías uan okseki israelitas akin nenkej itech itonaluan kiajsikamatiaj keyej kinamikia maj kiuikanij chikiuit ompa Babilonia. Yejuan nenkaj itech nejon xolal kampa taltikpakneminij auilnemiaj uan kinueyichiuayaj tiotsitsin uan mojmostaj monekik mochikauaskej amo monejnemiltiskej kemej yejuan. Nejin tein Zacarías kiitak kinyekmatiltij ke Jiova kichiuaskia maj itaueyichiualis moajsini chipauak.

¹⁸ Tein Zacarías kiitak no kinelnamiktij judíos ke yejuan monekia kichiuaskej tein tapaleuiskia maj itaueyichiualis Dios moajsini chipauak. Amo ueli se kikaua nion se kikauas maj moajsi tein amo kuali itech ixolal Jiova. Yejuatsin techpaleuij maj timoajsikan itech inechikol tein chipauak, kampa tikmachiliaj ke techtasojta uan techmatampauia. Sayoj ke moneki tikchiuaskej tein tapaleuis maj moajsi chipauak. Amo ueli moajsi nion se taman tein amo kuali itech ixolal Dios.