13. ¿Kani tayolmajxitij Jesús maj se kisentili se iricojyo?

¹³ Jesús tayolmajxitij: “Amo xiksentilikan namoricojyo nikan taltikpak kampa namotilma kitetektokke in okuilinme uan namotomin poxkautok uan kampa in tachtekini tekalijtik kalakij uan kuikaj ten nesi. Ta, kachi kuali xiksentilikan namoricojyo tech ne eluiyaktsinko kampa in okuilinme amo ueli kitejtekiske, nion no poxkauis den namoaxka, uan nion no tachtekini uelis mitskalijtikkalakiske uan kuikaske ten moaxka. Porin kampa yeski yetos nochi in namoricojyo, [...] ompa [...] nanyoltanemilijtoske” (Mat. 6:19-21).

15. ¿Toni tein yekmelauj kuali moneki timochikauaskej tikajsiskej?

¹⁵ Sekin tayekananij itech taneltokalis tamachtiaj ke amo kuali yetok maj se mochikaua se kiajsis tein yekmelauj kuali. Sayoj ke Jesús amo kijtoj ke amo kuali yetok komo se kichiua nejon. Ta kiniluij imomachtijkauan maj mochikauakan kisentiliskej ‘ricojyot tech ne eluiyaktsinko’, tein uejkaua nochipaya. Tejuan okachi tiknekij tikajsiskej tein Jiova kiita ke yekmelauj kuali. Itajtoluan Jesús techelnamiktia ke tisejsemej tikixpejpenaj tein tikixtaliskej tikchiuaskej. Sayoj ke, tein tikpiaskej itech toyolo, oso tein tikitaskej ke okachi motelneki, yejua tikixtaliskej tikajsiskej.

16. ¿Katiyejua tayolmajxitilis uelis tiktakamatiskej ika takuaujtamatilis?

¹⁶ Komo tikyolnejnekij tikyolpaktiskej Jiova, uelis titakuaujtamatiskej ke yejuatsin techmakas tein techpolos. Kemej kipanok tatitanil Pablo, xa kemansa amo tikpiaskej tein tikuaskej uan tein titayiskej (1 Cor. 4:11). Sayoj ke, ika takuaujtamatilis uelis tiktakamatiskej itayolmajxitilis Jesús: “Amo xiknemilijtinemikan toni nankikuaske mosta, uan toni titayiske, uan tonika timotakentiske. Porin in tagayot ten amo pouij iuan Dios, yejuan nojonkes kitemoaj sayo de nijin taman. Uan namejuan nankipiaj se Namoueyitajtsin ten yetika ne eluiyaktsinko uan [...] kimatok ya ten namejuan namechpoloaj. Pero namejuan [...] xiktemokan [...] [‘itekiuajyo Dios’, TNM] uan [...] yekchipaukanemilis [...] uan nankiseliske nochi ten monekis” (Mat. 6:31-33).