AKIN YOUI IPANKO CHICHILTIK CABALLO

“Ualkisak okse caballo ten chichiltik. Uan ne naken ipan mopantalijtoya, [...] kimaktilijke chikaualis para ma kinajchiuilis in taltikpakyetoni ne yolseukanemilis para ma yejuan ma momiktijtinemikan se uan okse yejuan san. Uan [...] kimaktilijke se ueyi machete.” (Apocalipsis 6:4.)

Nejin akin youi ipanko caballo kiixnextia neteuilis. Kemej moita, kichiua maj amo onka yolseuilis semanauak taltikpak. Itech xiuit 1914 nochi altepemej tapaleuijkej itech neteuilis, se taman tein amo keman mochiujtoya. Satepan peuak Ojpatika Neteuilis tein mochiuak itech Nochi Taltikpak, nejin okachi taijtakoj ke yekinika. Moixejekouani ke akin momikilianij itech neteuilismej itech xiuit 1914 uan hasta axkan panoua cien millones. Uan okseki tel miakej millones kinkojkokojkej uan hasta axkan kinijtakoua nejon.

¿Toni monextiani ke uelis mochiuas itech neteuilismej axkan? Tein axkan mokui itech neteuilismej moita ke uelis kichiuas maj tinochin tiixpoliuikan. Nion taltikpaknechikolmej tein kijtouaj ke kitemouaj maj onka yolseuilis, kemej Naciones Unidas, amo uelinij kitsakuilianij caballo chichiltik nion akin youi ipanko.