ITekiuajyo Dios oso iTaixyekanalis Dios, yejua tein okachi ika tajtoua Biblia. Itechkopa nejon Tekiuajyot, Jiova kichiuas tein yekinika kinekia maj mochiua nikan taltikpak. ¿Toni iTekiuajyo Dios? ¿Keniuj tikmatij ke taixyekantokya? ¿Toni kichiuani hasta axkan uan toni kichiuatiok? Nejin netajtanilmej monankiliskej itech nejin tamachtilis uan itech okseki ome tein tikitaskejok.

1. ¿Toni iTekiuajyo Dios uan akoni Tekiuaj?

ITekiuajyo Dios se taixyekanalis tein Jiova kiixtalij. Tekiuaj yejua Jesucristo uan taixyekana ompa iluikak (Mateo 4:17; Juan 18:36). Biblia kijtoua ke Jesús “kinyekantinemis in pueblojuani [...] sen nachipa” (Lucas 1:32, 33). Kemej yejua Tekiuaj itech iTekiuajyo Dios, kinixyekanas nochin akin nemiskej taltikpak.

2. ¿Akonimej taixyekanaj iuan Jesús?

Jesús amo iselti taixyekana, ta “de nochi tataman tagayot, uan [...] nochi tataman tajtolisme, uan no [...] pueblojme uan paísme” iuan taixyekanaskej nikan taltikpak (Apocalipsis 5:9, 10). ¿Kanachimej iuan tekiuajtiskej Cristo? Keman Jesús yetoya nikan taltikpak uan hasta axkan millones kiixtaliaj kichiuaskej kemej yejua. Sayoj ke, yaskej iluikak sayoj 144,000 akin iuan tekiuajtiskej (xikonita Apocalipsis 14:1-4). Okseki itatojtokakauan Cristo kinixyekanaskej nikan taltikpak (Salmo 37:29).

3. ¿Keyej iTekiuajyo Dios okachi kuali ke tekiuanij itech taltikpak?

Maski miakej tekiuanij kinekij kichiuaskej tein kuali, amo ueli kichiuaj nochi tein kiixtaliaj. Uan ompa, kinixpataj oksekin akin amo semi ininka motekipachouaj akin kinixyekanaj. Sayoj ke Jesús, akin Tekiuaj itech iTekiuajyo Dios, amo akin kiixpatas. Dios kiixtalij “se tekiuajyot tein amo keman ixpoliuis” (Daniel 2:44). Jesús taixyekanas itech nochi taltikpak uan amo techikotasojtas. Yejua tetasojta, kualtakat uan yolmelauak, uan kinmachtis nochin maj no ijkon kichiuakan, maj tetasojtakan, maj kualtakamej uan maj yolmelaujkej (xikonita Isaías 11:9).

4. Se Tekiuajyot tein kipia chikaualis taixyekanas itech nochi taltikpak

Jesús kipia okachi chikaualis uan kimati keniuj taixyekanas ke okseki tekiuanij akin taixyekananij. Xikitakan Mateo 28:18 uan ika xitajtokan nejin:

• ¿Keyej tanauatil tein kiselij Jesús amo kemej tein kipiaj tekiuanij?

Tekiuanij itech taltikpak amo noyampa taixyekanaj uan amo nochipa taixyekantokej. ¿No ijkon yeski iTekiuajyo Dios? Xikitakan Daniel 7:14 uan ika xitajtokan nejin:

• ¿Keniuj tapaleuis maj iTekiuajyo Dios amo keman ixpoliui?

• ¿Keniuj tapaleuis maj iTekiuajyo Dios taixyekana itech nochi taltikpak?

5. Tekiuanij itech taltikpak moneki maj kinixpatakan

¿Keyej moneki maj iTekiuajyo Dios kinixpata tekiuanij itech taltikpak? Xikitakan VIDEO uan ika xitajtokan nejin:

VIDEO: ¿Toni iTekiuajyo Dios? (taxelol) (1:41)

• ¿Toni mochiuani porin taixyekanaj akin nemij nikan taltikpak?

Xikitakan Eclesiastés 8:9 uan ika xitajtokan nejin:

• ¿Moneki maj iTekiuajyo Dios kinixpata tekiuanij? ¿Keyej?

6. Akin taixyekanaskej itech iTekiuajyo Dios kimatij tein tikpanouaj

Kemej toTekiuaj Jesús no nemik nikan taltikpak, ueli techiknelia porin kimati ke “uelis tikuetautiuetsiske de totakuautamatilis” (Hebreos 4:15). Jiova kinixpejpenak 144,000 takamej uan siuamej akin tekiuajtiskej iuan Jesús “de nochi tataman tagayot, [...] nochi tataman tajtolisme, [...] nochi tataman pueblojme uan paísme” (Apocalipsis 5:9).

• ¿Mitsonyolchikaua tikonmatis ke Jesús uan nochin akin iuan tekiuajtiskej kimatij tein tikpanouaj? ¿Keyej?

7. Itanauatiluan iTekiuajyo Dios okachi tapaleuiaj

Tekiuanij kiixtaliaj tanauatilmej porin kinekij maj kuali yetokan akin kinixyekanaj. ITekiuajyo Dios no kipia tanauatilmej uan moneki kitakamatiskej akin kinixyekana. Xikitakan 1 Corintios 6:9-11 uan ika xitajtokan nejin:

• ¿Keniuj tikonnemilia ke yeski taltikpak keman nochin nemiskej kemej Dios kiixtalia?a

• Akin kinixyekana iTekiuajyo Dios, ¿kinamiki maj Jiova kinilui maj kitakamatikan nejin tanauatilmej? ¿Keyej ijkon tikonnemilia?

• ¿Keyej tikmatij ke akin amo kitakamatij nejin tanauatilmej uelis mopataskejok? (Xikitakan versículo 11).

TEIN TIKITAKEJ

ITekiuajyo Dios se taixyekanalis tein moajsi ompa iluikak uan taixyekanas itech nochi taltikpak.

Maj tikelnamikikan

• ¿Akonimej taixyekanaskej itech iTekiuajyo Dios?

• ¿Keyej iTekiuajyo Dios okachi kuali ke tekiuanij?

• ¿Toni kinnauatia Jiova akin kinixyekana iTekiuajyo Dios?

NO XIKONITA NEJIN

Kemej Jesús tamachtij, ¿kani yetoskia iTekiuajyo Dios?

“¿Es el Reino de Dios algo que se lleva en el corazón?” (Artículo de jw.org)

¿Keyej itaixpantijkauan Jiova kiitaj ke nochipa moneki kitakamatiskej iTekiuajyo Dios achto ke tekiuanij nikan taltikpak?

Senkis tiktakamatij iTekiuajyo Dios (1:43)

Xikonita keniuj Biblia ininka tajtoua 144,000 akin Jiova kinixpejpena maj tekiuajtikan iuan Jesús.

“¿Quiénes van al cielo?” (Artículo de jw.org)

¿Toni kipaleuij se siuatsin maj kineltoka ke sayoj Dios uelis kichiuas maj onka melaujkayot itech taltikpak?

“Aprendí cómo se solucionarán las injusticias” (¡Despertad!, noviembre de 2011)

ITekiuajyo Dios oso iTaixyekanalis Dios peuak taixyekana iluikak itech xiuit 1914. Nejin kinextia ke amo uejkaua tamiti inintaixyekanalis tekiuanij. ¿Keniuj tikmatij? Itech nejin tamachtilis tikonitas tein Biblia achtook kijtojka, tein mochiujtok itech taltikpak uan tein miakej peuak kichiuaj itech xiuit 1914 hasta axkan.

1. ¿Toni kijtojka Biblia ke mochiuaskia?

Itech amatajkuilol Daniel moijtojkaya ke iTekiuajyo Dios, peuaskia taixyekanaskia keman tamiskiaj tonalmej tein moixmatij kemej “chikome xiuit” (Daniel 4:16, 17). Jesús no ika tajtoj nejon tonalmej kemej “tonalme ke Dios kintekauilij ne analtekokayome”, uan no tamachtij ke nejon tonalmej ayamo tamiaj (Lucas 21:24). Kemej tikitaskej, nejon chikome xiuit tankej itech xiuit 1914.

2. ¿Toni mochiujtok itech taltikpak uan toni miakej peuak kichiuaj itech xiuit 1914 hasta axkan?

Imomachtijkauan Jesús kitajtanijkej: “¿Keniuj tikmatiskej ke touan tiyetok uan keman motokijtosya itamilis tein onkak itech taltikpak?” (Mateo 24:3, TNM). Jesús kiniluij ke keman peuaskia tekiuajtiskia iluikak kemej Tekiuaj itech iTekiuajyo Dios, mochiuaskia miak taman. Kijtoj ke onkaskia mayan, neteuilismej uan talolinilis (xikonita Mateo 24:7). Biblia no kijtojka tein miakej kichiuaskiaj itech “itamian tonalmej” tein teouijmakaskia “se kiixnamikis” (2 Timoteo 3:1-5, TNM). Itech xiuit 1914 hasta axkan okachi peuak nesi nejin.

3. ¿Keyej itech taltikpak okachi mochiua tein amo kuali keman iTekiuajyo Dios peuak taixyekana?

Tepitsin satepan ke Jesús mochiuak Tekiuaj itech iTekiuajyo Dios mochiuak se neteuilis ompa iluikak uan yejua moteuij iuan Satanás uan amokuali ejekamej. Satanás tapoloj uan kemej kijtoua Biblia, “kikalantamotke ne amokuali Satanás den eluiyaktsinko, uan no kinkalantamotke nochi ne itekitikaikniuan” (Apocalipsis 12:9, 10, 12). Satanás semi kualantok porin kimati ke amo uejkaua ixpoliuis. Yejua ika, yejua itajtakol maj noyampa onka tajyouilis uan maj okachi mochiua tein amo kuali. Sayoj ke iTekiuajyo Dios kiyektalis nochi nejin.

MAJ OKACHI TIMOMACHTIKAN

4. Tein achto moijtojka ke mochiuaskia ajsi itech xiuit 1914

VIDEO: ITekiuajyo Dios peuak taixyekana itech xiuit 1914 (5:02)

Dios kichiuak maj Nabucodonosor, akin tekiuajtia Babilonia, kikochitani seki taman tein mochiuaskia. Nejin takochitalis uan tein Dios kimatiltij Daniel ke kijtosneki, kinextia ke ika tajtojtoya itaixyekanalis Nabucodonosor uan iTekiuajyo Dios (xikitakan Daniel 4:17).a

Xikitakan Daniel 4:20-26 uan xikitakan taixkopimej kampa kimelaua tamachtilis para nankinankiliskej nejin netajtanilmej:

• A) ¿Toni kikochitak Nabucodonosor? (Xikitakan versículos 20 uan 21).

• B) ¿Toni kipanoskia kouit? (Xikitakan versículo 23).

• C) ¿Toni mochiuaskia keman tamiskia “chikome xiuit”? (Xikitakan versículo 26).

Kouit tein nesik itech takochitalis uan iTekiuajyo Dios

TEIN ACHTO MOIJTOJKA KE MOCHIUASKIA (Daniel 4:20-36)

Taixyekanalis

A) Se kouit uejkapantik

Motsakuilij taixyekanalis

B) “Xiktekikan kouit” uan xikauakan maj pano “chikome xiuit”

Taixyekanalis oksepa kisentoka

C) “Tekiuajyot oksepa yeski moaxka”

Tein yekinika mochiuak tein moijtojka:

• D) ¿Akoni kiixnextia kouit? (Xikitakan versículo 22).

• E) ¿Kemanian amo taixyekanakok? (Xikitakan Daniel 4:29-33).

• F) ¿Toni kipanok Nabucodonosor keman panok “chikome xiuit”? (Xikitakan Daniel 4:34-36).

TEIN YEKINIKA MOCHIUAK TEIN MOIJTOJKA

Taixyekanalis

D) Nabucodonosor akin tekiuajtia Babilonia

Motsakuilij taixyekanalis

E) Keman panok xiuit 606 a.i.t.,b Nabucodonosor kuatapoloua uan amo ueliok tekiuajti itech chikome xiujmej

Taixyekanalis oksepa kisentoka

F) Nabucodonosor oksepa kuatamati uan oksepa peua tekiuajti

Tein ojpatika mochiuak tein moijtojka:

• G) ¿Akonimej kinixnextia kouit? (Xikitakan 1 Crónicas 29:23).

• H) ¿Kemanian amo tekiuajtikejok? ¿Keniuj tikmatij ke amo tekiuajtitoyaj keman Jesús yetoya nikan taltikpak? (Xikitakan Lucas 21:24).

• I) ¿Kani uan kemanian peuak oksepa taixyekana nejin tekiuajyot?

TEIN OJPATIKA MOCHIUAK TEIN MOIJTOJKA

Taixyekanalis

G) Tekiuanij israelitas akin kiixnextiaj iTekiuajyo Dios

Motsakuilij taixyekanalis

H) Ixpoliui Jerusalén, tekiuanij israelitas amo tekiuajtiskiajok itech 2,520 xiujmej

Taixyekanalis oksepa kisentoka

I) Ompa iluikak Jesús peua taixyekana kemej Tekiuaj itech iTekiuajyo Dios

5. Itech 1914 nochi mopatak itech taltikpak

Xikitakan VIDEO.

VIDEO: Itech 1914 nochi mopatak itech taltikpak (1:10)

Jesús kijtoj keniuj yeskia taltikpak keman peuaskia tekiuajtiskia. Xikitakan Lucas 21:9-11 uan ika xitajtokan nejin:

• Nejin tein achtook moijtoj, ¿toni tikonitani oso tikonkakini ke mochiujtokya?

Tatitanil Pablo kijtoj keniuj yeskiaj miakej keman tantiaskiaya inintaixyekanalis akin nemij itech taltikpak. Xikitakan 2 Timoteo 3:1-5 uan ika xitajtokan nejin:

• Kemej kijtoua nejin texto, ¿toni tikonita ke mochiujtokya?

6. Xikonnexti ke tikonneltoka ke iTekiuajyo Dios taixyekantokya

Xikitakan Mateo 24:3, 14 uan ika xitajtokan nejin:

• ¿Katiyejua tekit tein semi moneki kinextia ke iTekiuajyo Dios taixyekantokya?

• ¿Keniuj uelis tiontapaleuis itech nejin tekit?

ITekiuajyo Dios taixyekantokya uan amo uejkaua taixyekanas itech nochi taltikpak. Xikitakan Hebreos 10:24, 25 uan ika xitajtokan nejin:

• ¿Toni moneki tikchiuaskej tinochin “porin motokia nejon tonal”?

TEIN TIKITAKEJ

Tein Biblia kijtojka ke mochiuaskia uan tein noyampa mochiujtok kinextia ke iTekiuajyo Dios taixyekantokya, uan tiknextiaj ke tikneltokaj keman ika titanojnotsaj uan timonechikouaj.

Maj tikelnamikikan

• ¿Toni mochiuak keman tamik chikome xiuit kemej moijtoua itech Daniel?

• ¿Keyej tikonneltoka ke iTekiuajyo Dios peuak taixyekana itech xiuit 1914?

• ¿Keniuj uelis tikonnextis ke tikonneltoka ke iTekiuajyo Dios taixyekantokya?

NO XIKONITA NEJIN

Xikonita tein miakej motelmachtianij kijtouaj keniuj itech xiuit 1914 hasta axkan nochi mopatak.

“La era en que los valores decayeron radicalmente” (¡Despertad!, abril de 2007)

Xikonita keniuj tein moijtojka ke mochiuaskia itech Mateo 24:14 kipatak inemilis se takat.

“Béisbol okachi tayekantoya itech nonemilis” (Tanejmachtijkej, tapoual 3 xiuit 2017)

¿Keniuj tikmatij ke tein moijtojka itech Daniel capítulo 4 ika motajtoua iTekiuajyo Dios?

“¿Kemanian peuak taixyekana iTekiuajyo Dios? (Yekinika taxelol)” (Tanejmachtijkej, 1 metsti noviembre xiuit 2014)

¿Toni kinextia ke “chikome xiuit” tein ika motajtoua itech Daniel capítulo 4 tamik itech xiuit 1914?

“¿Kemanian peuak taixyekana iTekiuajyo Dios? (Ojpatika taxelol)” (Tanejmachtijkej, 1 metsti enero xiuit 2015)

ITekiuajyo Dios taixyekantokya. Amo uejkaua kipatas miak taman nikan taltikpak. Maj tikitakan seki taman tein kuali tein kichiuas nejin tekiuajyot uan tein uelis tikonchias ika yolpakilis.

1. ¿Toni kichiuas iTekiuajyo Dios para maj oksepa onka yolseuilis uan melaujkayot itech taltikpak?

Itech neteuilis Armagedón, Jesús, Tekiuaj itech iTekiuajyo Dios, kinixpolos akin amo yolkualmej uan tekiuanij (Apocalipsis 16:14, 16). Itech nejon tonalmej, mochiuasya nejin tein Biblia kijtojka: “Amo uejkauaok, akin amo yolkualmej amo nemiskejok” (Salmo 37:10). Ika nejin tekiuajyot, Jesús kichiuas maj onka yolseuilis uan melaujkayot itech nochi taltikpak (xikonita Isaías 11:4).

2. ¿Keniuj tinemiskej keman mochiuas tein Dios kineki nikan taltikpak?

Keman taixyekantosya iTekiuajyo Dios, “akin yolmelaujkej ininaxkatis taltikpak uan ompa nemiskej nochipaya” (Salmo 37:29). Xikonnemili keniuj tinemiskej keman nochin yeskij yolkualmej, kitasojtaskej Jiova uan nochin motasojtaskej. ¡Semi kualtsin yeski! Amo akin kokolispeuasok uan nochin nemiskej nochipaya.

3. ¿Toni kichiuas iTekiuajyo Dios keman ixpoliuiskej akin amo yolkualmej?

Keman kinixpolos akin amo yolkualmej, Jesús tekiuajtis 1,000 xiujmej. Itech nejon xiujmej, Jesús uan 144,000 akin iuan tekiuajtiskej kinpaleuiskej nochin maj amo tajtakolejkejok. Keman tamis 1,000 xiujmej, nochi taltikpak yeski se kualtsin xochital uan akin ompa nemiskej yolpakiskej porin kitakamatij Jiova. Ompa, Jesús kikepilis Tekiuajyot iTajtsin, Jiova. Uan itokay Dios senkis mochipauas (Mateo 6:9, 10, TNM). Moyekitas ke Jiova kuali taixyekana uan kinyekpia itekitikauan. Ompa, Jiova kiixpolos Satanás uan amokuali ejekamej uan no akin kinekiskej kiixnamikiskej itaixyekanalis (Apocalipsis 20:7-10). Nochi tein kichiuas iTekiuajyo Dios amo keman tamis.

MAJ OKACHI TIMOMACHTIKAN

4. ITekiuajyo Dios kinixpolos nochi tekiuanij itech taltikpak

“Taltikpaknenkej kiixyekana taltikpaknenkej uan kitajyouiltia” (Eclesiastés 8:9). Yejua ika, Jiova itechkopa iTekiuajyo kiixpolos nochi porin nejin kichiuani maj miakej tajyouikan.

Xikitakan Daniel 2:44 uan 2 Tesalonicenses 1:6-8 uan ika xitajtokan nejin:

• ¿Toni kinchiuiliskej Jiova uan Jesús tekiuanij uan akin kinpaleuiaj?

• Ika tein tionmomachtianiya kemej tamati Jiova uan Jesús, ¿keyej tikonneltoka ke amo techichikouiskej?

5. Jesús okachi kuali Tekiuaj

Kemej Tekiuaj itech iTekiuajyo Dios, Jesús kichiuas miak taman para kinpaleuis akin nemiskej itech taltikpak. Xikitakan VIDEO para oksepa nankiitaskej ke Jesús kinextij ke kineki kinpaleuis oksekin uan Dios kimakak chikaualis para maj kichiua.

VIDEO: Jesús kinextij tein kichiuas iTekiuajyo Dios (1:13)

Tein Jesús kichiuak keman yetoya nikan taltikpak, kinextij tein kichiuas iTekiuajyo Dios. Tein nikan nesi ke mochiuas, ¿toni tikonuelitaskia maj mochiuaya? Xikitakan nochi textos kampa kijtoua tein mochiuas.

6. ITekiuajyo Dios kichiuas maj kuali tinemikan

VIDEO: Tatiochiualismej tein tikpiaskej amo uejkaua (4:38)

Xikitakan Salmo 145:16 uan ika xitajtokan nejin:

• ¿Keniuj mitsonyolchikaua tikonmatis ke Jiova kinmakas “tein kinekij nochin akin yoltokej”?

TEIN TIKITAKEJ

ITekiuajyo Dios kichiuas tein kiixtalia. Kichiuas maj nochi taltikpak se xochital, maj ompa nemikan akin yolkualmej uan maj kiueyichiuakan Jiova nochipa.

Maj tikelnamikikan

• ¿Keniuj iTekiuajyo Dios kichipauas itokay Jiova?

• ¿Keyej tikneltokaj ke iTekiuajyo Dios kichiuas tein Dios kijtoua itech Biblia?

• ¿Toni tein kichiuas iTekiuajyo Dios okachi tikonneki maj mochiuaya?

NO XIKONITA NEJIN

Xikonita toni Armagedón.

“¿Qué es el Armagedón?” (Artículo de jw.org)

Xikonita toni mochiuas itech mil xiujmej keman Jesús tekiuajtitos uan keman tamis nejon xiujmej.

“¿Toni panos itech tonal keman motaixkomakas?” (Tanejmachtijkej, 1 metsti octubre xiuit 2012)

¿Keniuj uelis kalyetouanij kinemiliskej ke yetokejya itech xochital?

Ximoita itech xochital (1:50)

Xikonita kampa techtapouiaj ininnemilis “Me inquietaban muchas preguntas”, kampa tikonitas keniuj aksa akin kinixnamikia tekiuanij kiajsik tein kitemouaya.

“La Biblia les cambió la vida” (La Atalaya, 1 de enero de 2012)