¿Keniuj uelis tikelnamikiskej tein kijtoua se texto?

¿Katiyejua texto okachi tikuelita? Xa miakej. Seki tein mitsyolseuia uan mitsyolchikaua, tein mitspaleuia xitanemili kemej moneki oso tein tikuelita tikinnextilis oksekin (Sal. 119:11, 111). Sayoj ke xa kemansa amo tikelnamiki toni kijtoua oso keniuj tikajsis. Maj tikitakan seki taman tein uelis mitspaleuis.

• Xikui etiquetas tein kipia JW Library^®. Keman tiklerojtos Biblia itech JW Library uan tikajsis se texto tein tikuelitaskia tikelnamikis, xiktalili se etiqueta tein kijtos “Textos tein nikuelita”.a

• Xikijkuilo uan xiktali texto kampa uelis tikitas. Seki tokniuan kijkuilouaj itech se amat uan kipepechouaj itech se espejo oso itech ininrefrigerador. Oksekin kikixtiliaj se foto uan kitaliaj para maj moita keman kixotaltiskej inincelular oso inincomputadora.

• Xikijkuilo textos itech amatsitsin. Seko xikijkuilo capítulo uan versículo uan taikampa tein kijtoua texto. Satepan, komo tikitstok kampa ijkuiliujtok texto, ximochikaua tikelnamikis tein kijtoua taikan.