¿Kichiuaj kemej Cristo itaixpantijkauan Jiova?

Kemaj. Nikan tiknextiaj seki taman:

• Tiktemouaj tikchiuaskej ika nejmachkayot kemej Jesucristo kichiuak uan timonejnemiltiskej kemej tamachtij (1 Pedro 2:21).

• Tikneltokaj ke Jesús semi tapaleuia maj timomakixtikan, porin amo onkak “okse tokaytsin tenika se tagat nikan taltikpak uelis momakixtis” (Hechos 4:12).

• Keman timochiuaj tiitaixpantijkauan Jiova, timoauiaj itokaykopa Jesús (Mateo 28:18, 19).

• Timotataujtiaj iuan Dios itokaykopa Jesús (Juan 15:16).

• Nochin takamej kipiaj Jesús kemej inintayekankauj (1 Corintios 11:3).

Sayoj ke, moajsi seki taman tein tejuan amo tikneltokaj. Kemej neskayot, tikajsikamatij ke Biblia tamachtia ke Jesús iKonetsin Dios uan amo poui itech se Trinidad (Mateo 16:16; Marcos 12:29). Uan no, amo tikneltokaj ke tinemitij okseko satepan ke timomikiliaj, ke Biblia tamachtia ke Dios tetajyouiltia nochipaya itech se miktan nion ke tayekananij itech taneltokalis moneki kinueyiixmatiskej (Eclesiastés 9:5; Ezequiel 18:4; Mateo 23:8-10).