Josué

15 Tlali tlen okinmakakej sejse familias tlen pouij itech itribu Judá, oajsiaya kanin peua Edom, kanin tlauaki ompa Zin uan kanin tlami Négueb ik sur. 2 Intlal opeuayaj ikxitlan mar Salado, itempa mar* tlen kajki ik sur. 3 Oajsiaya ik sur kanin kajki Acrabim noijki oajsiaya hasta Zin. Tlejko Cadés-Barnea ik sur, satepan oajsiaya hasta Hezrón, otlejkouaya Addar, otlayaualouaya ik Carcá. 4 Intlal oajsiaya ompa Azmón uan hasta ibarranca Egipto uan otlamiaya kanin kajki Mar.* Ompa sur otlamiaya intlal.

5 Intlal otlamiaya ik kanin kisa tonaltsin ompa mar Salado* ik kanin tlami aueyatl* Jordán, noijki intlal otlamiaya ik norte ompa itempa mar kanin tlami aueyatl Jordán. 6 Otlejkouaya Bet-Hoglá, opanouaya ik inorte Bet-Arabá uan otlejkouaya kanin kajki tetl* Bohán tlen okitlali ikone Rubén. 7 Otlejkouaya hasta Debir ik ixtlauak* Acor uan ik norte ik kanin kajki Guilgal tlen kajki iyekapan Adumim, tlen kajki ik sur kanin kajki barranca. Intlaluan oajsiayaj ik kanin meya atl ompa En-Semes uan otlamiaya ompa En-Roguel. 8 Intlal noijki otlejkouaya ixtlauak tlen itoka iKone Hinón, ik ixtemolistli* kanin katej jebuseos ik sur noso Jerusalén. Noijki intlal okatka ikpak* tepetl ik kanin motlatia tonaltsin tlen okatka iyekapan ixtlauak Hinón, ik norte ik kanin otlamiaya ixtlauak Refaím. 9 Intlal oajsiaya ikpak tepetl uan hasta kanin meya atl ompa Neftóah, noijki oajsiaya hasta altepemej tlen katej ompa Efrón uan otlamiaya hasta Baalá noso Quiryat-Jearim. 10 Noijki okiyaualouaya desde Baalá ik kanin motlatia tonaltsin ik tepetl Seír uan oajsiaya kanin ixtemolistli itech tepetl Jearim ik norte noso Kesalón, otemouaya Bet-Semes uan oajsiaya hasta Timná. 11 Intlal oajsiaya hasta ixtemolistli Ecrón ik norte uan oajsiaya hasta Sikerón, hasta tepetl Baalá uan oajsiaya hasta ompa Jabneel, intlal otlamiaya hasta kanin kajki mar.

12 Nin okatka intlal nochtin familias tlen okatkaj ixuiuan Judá uan otlamiaya itempa mar Grande* ik kanin motlatia tonaltsin.

13 Josué okichi ijkon ken okinauatijka Jehová, okimakak Caleb ikone Jefuné seki tlali ijkon ken oksekimej ixuiuan Judá, okimakak altepetl Quiryat-Arbá noso Hebrón (Arbá okatka ipapa Anac). 14 Ikinon Caleb ompa okinkixti ixuiuan Sesái, Ahimán uan Talmái, yejuan okatkaj ikoneuan Anac. 15 Satepan ye otlejkok uan okinmiktito akinmej ochantiayaj Debir, non altepetl achto omotokayotiaya Quiryat-Séfer. 16 Satepan Caleb okijto: “Akin kinmiktiti akinmej chantij altepetl Quiryat-Séfer uan kimoaxkatis, nikmakas nochpoch Acsá para iuan mamonamikti”. 17 Otniel ikone Quenaz ikni Caleb, okimoaxkati non altepetl, ikinon Caleb okimakak ichpoch Acsá para iuan mamonamikti. 18 Ijkuak yejuan oyayaj inkalijtik, Acsá okilui Otniel makitlajtlanili ipapa seki tlali. Ijkuak Acsá otemok ipan iburro, Caleb okitlajtlani: “¿Tlen tikneki?”. 19 Acsá okilui: “Nimitstlatlaujtia, techteochiua. Te yotechmakak seki tlali ompa Négueb* pero noijki nikneki techmaka Gulot-Maim”.* Ikinon ye okimakak Gulot-Alto uan Gulot-Bajo.

20 Nin okinkajteuilijkej sejse familias tlen pouij itech itribu Judá.

21 Altepemej tlen okikajteuilijkej itribu Judá tlen okatkaj ik sur ik kanin peua Edom, intoka Cabzeel, Éder, Jagur, 22 Quiná, Dimoná, Adadá, 23 Quedes, Hazor, Itnán, 24 Zif, Télem, Bealot, 25 Hazor-Hadatá uan Queriyot-Hezrón noso Hazor, 26 Amam, Sema, Moladá, 27 Hazar-Gadá, Hesmón, Bet-Pélet, 28 Hazar-Sual, Beer-Seba, Biziotías, 29 Baalá, Iyim, Ézem, 30 Eltolad, Kesil, Hormá, 31 Ziclag, Madmaná, Sansaná, 32 Lebaot, Silhim, Ain uan Rimón. Okatkaj 29 altepemej uan ialtepetsitsinuan.

33 Altepemej tlen katej Sefelá, intoka Estaol, Zorá, Asná, 34 Zanóah, En-Ganim, Tapúah, Enam, 35 Jarmut, Adulam, Socó, Azecá, 36 Saaraim, Aditaim, Guederá uan Guederotaim. Okatkaj 14 altepemej uan ialtepetsitsinuan.

37 Zenán, Hadasá, Migdal-Gad, 38 Dileán, Mizpé, Jocteel, 39 Lakís, Bozcat, Eglón, 40 Cabón, Lahmam, Kitlís, 41 Guederot, Bet-Dagón, Naamá uan Maquedá. Okatkaj 16 altepemej uan ialtepetsitsinuan.

42 Libná, Éter, Asán, 43 Iftá, Asná, Nezib, 44 Queilá, Aczib uan Maresá. Okatkaj chiknaui altepemej uan ialtepetsitsinuan.

45 Ecrón uan altepemej tlen ik ompa okatkaj uan ialtepetsitsinuan. 46 Desde Ecrón ik kanin motlatia tonaltsin, nochi tlen omokauayaj Asdod uan ialtepetsitsinuan.

47 Asdod uan altepemej tlen ik ompa okatkaj uan ialtepetsitsinuan. Gaza uan altepemej tlen ik ompa okatkaj uan ialtepetsitsinuan hasta kanin kajki ibarranca Egipto, mar Grande* uan nochi tlali tlen kajki itempa non mar.

48 Tepeyo Samir, Jatir, Socó, 49 Daná, Quiryat-Saná noso Debir, 50 Anab, Estemó, Anim, 51 Gosén, Holón uan Guiló. Okatkaj 11 altepemej uan ialtepetsitsinuan.

52 Arab, Dumá, Esán, 53 Janim, Bet-Tapúah, Afecá, 54 Humtá, Quiryat-Arbá noso Hebrón uan Zior. Okatkaj chiknaui altepemej uan ialtepetsitsinuan.

55 Maón, Carmelo, Zif, Jutá, 56 Jezreel, Jocdeam, Zanóah, 57 Cayín, Guibeá uan Timná. Okatkaj majtlaktli altepemej uan ialtepetsitsinuan.

58 Halhul, Bet-Zur, Guedor, 59 Maarat, Bet-Anot uan Eltecón. Okatkaj chikuase altepemej uan ialtepetsitsinuan.

60 Quiryat-Baal noso Quiryat-Jearim uan Rabá. Okatkaj ome altepemej uan ialtepetsitsinuan.

61 Kanin tlauaki, Bet-Arabá, Midín, Secacá, 62 Nibsán, Altepetl Istatl uan En-Guedí. Okatkaj chikuase altepemej uan ialtepetsitsinuan.

63 Tlakamej tlen pouij itech itribu Judá amo ouelik okinkixtijkej jebuseos akinmej ochantiayaj Jerusalén. Ikinon jebuseos hasta axkan chantij inuan itribu Judá ompa Jerusalén.