Kuali ma tikintekitiltikan revistas tlen yopanokej

Ijkuak revistas tlen yopanokej tikintlatiaj noso tikintlamotlaj amo tlapaleuiaj, ik non, moneki ma tikintemakakan. San se revista uelis kipaleuis ikaj pampa kinekis momachtis tlen melauak uan ijkon peuas tlaneltokas itech Jehová (Rom. 10:13, 14). Tikitaskej san seki tlamantli tlen uelis tikchiuaskej ika revistas tlen yopanokej.

• Ijkuak tiauij kanin amo okachi titetlapouiaj uelis tla amo ikaj kajki tikauaskej san kanin oksekimej amo uelis kitaskej.

• Ijkuak titetlapouiaj kanin tlaltikpaktlakamej mochixtokej, ken kanin kichiaj noso kanin moketsa autobús, uelis tikintlajtlaniskej kox kinekij itlaj kitlajtoltiskej uan tikinmititiskej revistas tlen yopanokej uan tikauaskej ma kipejpenakan.

• Ijkuak tiauij clínica noso san kanin tias itech kanin tetlapouia motlanechikol uelis tikauaskej seki revistas. Achto moneki titetlajtlanis kox uelis ompa tiktlalis se revista. Pero tla tikitaj onka okseki revistas okachi kuali amo xikaua okseki.

• Ijkuak timoyektlalijtos pampa oksepa tikintlajpaloti, ximokuayejyeko tlen kitekipachoa sejse akin tiktlajpaloti. ¿Kipia ikalchanejkauan? ¿Kipaktia yas paxialoti? ¿Kipaktia tlatokas? Xikita kox itech okseki revistas onka itlaj tlen uelis kipaktis uan ijkuak timokuepas uelis tikititis.

• Ijkuak tikajsis akin yiuejkika tiktemojtinemi uelis tikmakas revistas tlen yopanokej uan tlen amo otikmakak.