TIKCHIUAJ KEN CRISTO

**Pampa okachi kuali titetlapouiskej: ma tiktekitiltikan amochtli “Xiyetokan itech itlasojtlalis toTajtsin Dios” pampa tiajsiskej itech inyolo tlaltikpaktlakamej**

TLEKA MIAK IPATI. Tlaltikpaktlakamej moneki kixmatiskej uan kintlakamatiskej itlanauatiluan Jehová (Is. 2:3, 4). Amochtli “Xiyetokan itech itlasojtlalis toTajtsin Dios”, okse amochtli tlen ika tikinmachtiaj tlaltikpaktlakamej, kinmititia ken principios tlen katej itech Biblia kinpaleuiaj itech innemilis (Heb. 5:14). Moneki timochijchikauaskej pampa tlaltikpaktlakamej uelis ajsis itech inyolo tlen tikinmachtiaj uan non kinpaleuis ma kipatlakan innemilis (Rom. 6:17).

KEN UELIS TIKCHIUASKEJ:

Kuali ximoyektlali. Ximokuayejyeko tlen kipoloa akin tikmachtia. Xikinchiuili tlajtlanilmej uan ijkon tikmatis tlen mokuayejyekoa uan tlen kimachilia (Prov. 20:5; be-S pág. 259).
Xikintekitilti recuadros pampa kajsikamatis ken kipaleuis tla moyekanas ika principios tlen katej itech Biblia.
Xikititi ken uelis kipaleuis itlalnamikilis ijkuak monekis kipejpenas seki tlamantli itech inemilis, pero amo xikilui tlen moneki kipejpenas (Gál. 6:5, TNM).
Xikita tla moneki tikpaleuis pampa kintlakamatis principios bíblicos itech inemilis. Ika tlasojtlalistli xikyoleua ma kipatla inemilis pampa kitlasojtla Jehová (Prov. 27:11; Juan 14:31).