Mesías okichi tlen omoijto

Miak xiuitl achto nesiskia Jesús, teotlajtojki Isaías okijto Mesías tetlapouiskia “itech Jordán, Galilea itech uejueyij altepemej” Jesús okichi tlen nikan moijtoa ijkuak oyajki itech nochi Galilea otetlapouiaya uan otlamachtiaya kuali tlajtolmej (Is. 9:1, 2).

• 

  Okichi achto milagro itech altepetl Caná (Juan 2:1-11).

• 

  Okinpejpenki itlatitlaniluan amo uejka itech altepetl Capernaum (Mar. 3:13, 14).

• 

  Otlamachti itech Tepetl amo uejka itech altepetl Capernaum (Mat. 5:1-7:27).

• 

  Itech altepetl Naín okiyoliti ikone se iknosiuatl (Luc. 7:11-17).

• 

  Satepan ijkuak omoyoliti, itech Galilea okinmonextili kanaj 500 imachtijkauan (1 Cor. 15:6).