¿Kuali tiktekitiltijtok amatlajkuilol Nochipa ma timomachtikan iTlajtol toTajtsin Dios?

¿Nochipa tiktlajtoltia texto uan tlen kijtoua amatlajkuilol Nochipa ma timomachtikan iTlajtol toTajtsin Dios? Tla amo ijkon tikchiua, ¿uelis ijkon tikchiuas? Miakej kualkan kitlajtoltiaj, ijkon ueli mokuayejyekouaj tlen okitlajtoltijkej ijkuak kichiuaj okseki tlamantli (Jos. 1:8; Sal. 119:97). ¿Tlen uelis tikchiuas para okachi ma mitspaleui texto? Xiktlajtolti versículos tlen katej achto uan satepan, ijkon okachi tikajsikamatis. Ximokuayejyeko itech itlaj tlen kijtoua Biblia opanok uan xikita tlen principio ompa kijtoua. Satepan xikchiua tlen kijtoua non principio. Ijkuak tikpejpenaskej itlaj tikchiuaskej, achto ma tikitakan tlen kijtoua iTlajtol toTajtsin Dios, ijkon tikmatiskej tlen tikchiuaskej uan kuali kisas (Sal. 119:105).

Itech kalmej Betel tlen katej itech nochi tlaltikpak kualkan ijkuak yotlakuakej, kitlajtoltiaj amatlajkuilol Nochipa ma timomachtikan iTlajtol toTajtsin Dios. Amo miak xiuitl kipia tlen ompa momachtiaj yokintlalijkej itech JW Broadcasting^® itech videos kanin kijtoua TLAPOUALISMEJ TLEN KICHIKAUAJ TOTLANELTOKILIS. ¿Yotikitak video tlen okachi yankuik? Xamo tlen ompa tikkakis mitspaleuis. Ma tikitakan ken uelis techpaleuis tlen okipanok Lot.

IJKUAK YOTIKITAK VIDEO AMO MA TIKTLASOJTLAKAN TLEN ONKA ITECH TLALTIKPAK (1 Juan 2:15), XIKINNANKILI NINMEJ TLAJTLANILMEJ:

• ¿Tlen principio bíblico okitekitilti tokni?

• ¿Tleka tlen okipanok Lot techmachtia techpanos tlen amo kuali tla tiknekij tikpiaskej tlen onka itech nin tlaltikpak? (Gén. 13:12; 14:12; 19:3, 12, 13, 24-26).

• ¿Ken tikteititiaj tiktlasojtlaj Jehová uan amo tlen onka uan tlen kichiuaj nikan tlaltikpak?