TIKCHIUAJ KEN CRISTO
Xikinkauakan teotsitsintin
Jacob okimatiaya san Jehová kinamiki ma tikueyichiuakan, maski nion se tlanauatil ijkon okijtouaya (Éx. 20:3-5). Ik non, ijkuak Jehová okilui ma mokopa altepetl Betel, Jacob okilui ifamilia uan oksekimej tlen iuan okatkaj ma kinkauakan inteotsitsiuan. Jacob okintlalpacho nochi teotsitsintin uan noijki pipilolmej, xamo seki okimotlaliliayaj porque omokuayejyekouayaj ijkon amitlaj kinpanoskia (Gén. 35:1-4). Jehová okipakti tlen okichi Jacob.
Axkan, ¿ken tikteititiskej san Jehová tikueyichiuaj? Amo ma tikpiakan itlaj tlen ika kinueyichiuaj teotsitsintin nion tlen ika kichiuaj naualotl. Nochi non moneki ma tiktlamotlakan uan ma tikitakan tlen ika timoyolpaktiaj. Ximotlajtlani: “¿Nikintlajtoltia amochmej noso nikinmita películas kanin motaj vampiros, zombis noso okseki tlamantli? ¿Nikita itlaj tlen kipia magia, kanin tetlajchiuiaj noso okseki tlamantli tlen kichiuaj naualtin?”. Amo ma tikpiakan itlaj tlen Jehová kikokolia (Sal. 97:10).
IJKUAK YOTIKITAK VIDEO AMO MA TECHKAJKAYAUA DIABLO, XIKINNANKILI NINMEJ TLAJTLANILMEJ:
¿Tlen ouijkayotl okipiaya Palesa?
¿Tleka moneki ma tikinmiluikan tlayekankej ma techpaleuikan tla techijtlakojtok naualotl?
Amo ma mitskajkayaua Diablo uan ximotoki inauak Jehová (Sant. 4:7, 8).
¿Tlen amo moneki tikpiaskej tla tiknekij Jehová ma techpaleui?
¿Tlen okichi Palesa?
¿Tlen uelis tikchiuas para amo mitskajkayauaskej amo kuali ejekamej?