Para okachi kuali titetlapouiskej: Ma titetlapouikan ika teléfono

¿TLEKA MIAK IPATI? Ika teléfono uelis ‘titetlapowiskeh de n kualitlájtoli’ (Hech. 20:24).a Ijkon uelis tikintlapouiskej akinmej amo ueli tikinmitatiuij inkalijtik.

¿KEN TIKCHIUAS?

• 

  Ximoyektlali. Xikpejpena se tlamachtil tlen kinpaktis akinmej tikintlapouis. Xikijkuilo tlen tikneki tikijtos. Noijki xikijkuilo se mensaje tlen kijtos tleka otitlanotski tla amo mitsnankiliskej. Mitspaleuis tla ipan mesa tikpias tlen otikijkuilo uan okseki tlamantli tlen uelis tiktekitiltis. Noijki uelis tikpias se celular noso tableta kanin tikpixtos JW Library^® noso jw.org^®.

• 

  Amo ximomojti. Xitlajto ken nochipa titlajtoua. Xiixuetska ken yetoskia mitstlatok akin tiktlapouia. Xitlapojto uan amo san ijkon ximokaua. Xitlanotsa iuan okse tokni. Tla akin tiknotsa itlaj mitstlajtlania, oksepa xikijto para kikakis tokni uan ijkon uelis mitspaleuis.

• 

  Xikilui itlaj tlen uelis nanmotlapouiskej satepan. Tla akin tiktlapouia okachi kineki kimatis, xikchiuili se tlajtlanilistli tlen tiknankilis ijkuak tiknotsas ika teléfono. Uelis tikiluis mitspaktiskia tikmakas se amatlajkuilol noso tiktitlanilis ika correo noso Internet. Noijki uelis tiktitlanilis se video noso se tlamachtil ika correo electrónico. Tla tikita okachi kineki kimatis, xikilui itlaj ma kita itech jw.org^®.