1-7 DE ABRIL
SALMOS 23-25
Tlakuikali 4 uan tlatlaujtilistli | Tlen timomachtiskej (1 min.)
1. “Jehová notlajpixki”
(10 min.)
Jehová techyekana uan techmaluia (Sal. 23:1-4; w22.01 págs. 3, 4 párrs. 5, 6).
Jehová techpaleuia okachi matitlaneltokakan (Sal. 23:5; w11-S 1/5 pág. 31 párr. 5).
Jehová techmaluia ijkon ken se tlajpixki kinmaluia ichkauan.
XIMOTLAJTLANI: “¿Ken nechmaluia Jehová?”.
2. Matiktemokan ken techpaleuia Biblia
(10 min.)
Sal. 23:3. ¿Tlen kijtosneki Jehová ‘techyekana itech ojtli kuali’ uan tlen techpaleuis amo matikkauakan? (w11-S 15/2 pág. 24 párrs. 1-3).
¿Tlen tlamantli miak ipati otimomachti nin semana ijkuak otiktlajtolti Biblia?
3. Motlajtoltis
(4 min.) Sal. 23:1–24:10 (th tlamachtil 5).
4. Ijkuak ikaj peuas tiktlapouis
(3 min.) IJKUAK SAN KANIN TITETLAPOUIA. Xikititi se texto akin kitekipachoua tlen kipanotok tlaltikpak (lmd tlamachtil 2 punto 5).
5. Oksepa xitetlajpaloti
(4 min.) IJKUAK TITETLAPOUIA KAJKALPAN. Xikititi ken titlamachtiaj akin otikmakak amatlajkuilol Tiyoltos uan tiyolpakis (lmd tlamachtil 9 punto 3).
6. Xitlamachti
(5 min.) lff tlamachtil 14 punto 4 (lmd tlamachtil 11 punto 3).
Tlakuikali 54
7. “Amo matikinkakikan akinmej amo tikinmixmatij”
(15 min.) Tlamachtil inuan nochtin.
Ijkuak se tlajpixki kinnotsa ichkauan, yejuan kitokaj ijkuak kitenkakij. Pero cholouaj ijkuak kitenkakij akin amo kixmatij (Juan 10:5). Tejuan noijki tikinkakij Jehová uan Jesús ijkuak technotsaj. Yejuan techtlasojtlaj uan uelis tikinneltokiliskej tlen techiluiaj (Sal. 23:1; Juan 10:11). Pero amo tikinkakij akinmej amo tikinmixmatij porque yejuan amo kinekij matitlaneltokakan uan ‘kinekij techkajkayauaskej ika tlen amo melauak’ (2 Ped. 2:1, 3).
Génesis capítulo 3 kijtoua ijkuak ikaj otlakajkaya nikan tlaltikpak. Ijkon okichi Satanás ijkuak okichi se kouatl makitlapoui Eva uan ijkon ye amo kimatiskia akin okikajkayajtoka. Okijto amo melauak tlen okijto Jehová ikinon opejki mokuayejyekoua kox melauak tlen okijtouaya toTajtsin Dios. Eva okikak tlen okilui Satanás. Ikinon ye uan ifamilia opejki tlajyouiaj.
Axkan noijki Satanás amo kineki matikneltokilikan Jehová uan ialtepe. Ikinon ye kichiua oksekimej makijtokan tlen amo melauak, makijtokan tlen san yejuan kinekij mamomati uan ayakmo pinauaj tlakajkayauaskej. ¿Tlen tikchiuaskej tla kijtojtinemij tlen amo melauak akinmej amo tikinmixmatij? San niman maticholokan porque techijtlakoskej tla tikinkakiskej maski san tepitsin. Satanás amo miak tlajtoli okilui Eva para kikajkayauas (Gén. 3:1, 4, 5). Xamo ikaj techiluis amo melauak tlen techiluia ialtepe Jehová. Xamo ikaj ijkon techiluis porque tikixmatij, techtlasojtla uan kineki techpaleuis. Pero ¿tlen tikchiuaskej ijkuak ijkon techiluiskej?
Xikitakan VIDEO Amo matikinkakikan akinmej amo tikinmixmatij. Satepan xikintlajtlani:
• ¿Tlen techmachtia tlen okichi Coral ijkuak imama okinekiaya makita oksekimej kijtouaj tlakajkayaua ialtepe toTajtsin Dios?
8. Matimomachtikan se amochtli
(30 min.) bt tlamachtil 8 párrs. 1-4 uan recuadros tlen katej páginas 61, 62.