18-24 DE NOVIEMBRE

SALMOS 107, 108

Tlakuikali 7 uan tlatlaujtilistli | Tlen timomachtiskej (1 min.)

KEN TECHPALEUIA BIBLIA

1. Xiktlasojkamatilikan Jehová porque ye yolkuali

(10 min.)

Jehová okinmakixti israelitas ijkuak okatkaj Babilonia uan tejuan noijki yotechmakixti imak Satanás (Sal. 107:1, 2; Col. 1:13, 14).

Timotlasojkamatij inauak Jehová ikinon tikueyichiuaj ijkuak timonechikouaj (Sal. 107:31, 32; w07-S 15/4 pág. 20 párr. 2).

Matimokuayejyekokan ken yokiteititi Jehová techtlasojtla uan non techpaleuis okachi matimotlasojkamatikan (Sal. 107:43; w15 1/1 pág. 8 párr. 4).

Dibujos: Tokniuan kiueyichiuaj Jehová. 1. Tokniuan tlakuikaj. 2. Se tokni tlanankilia. 3. Ome tokniuan tetlapouiaj kajkalpan.

2. Matiktemokan ken techpaleuia Biblia

(10 min.)

Sal. 108:13. ¿Ken uelis timoyolchikauaskej ijkuak timosotlauaskej? (w23.10 pág. 17 párr. 20).

Xitlanankili
¿Tlen tlamantli miak ipati otimomachti nin semana ijkuak otiktlajtolti Biblia?

Xitlanankili

3. Motlajtoltis

(4 min.) Mar. 12:13-27 (th tlamachtil 5).

OKACHI KUALI MATITLAMACHTIKAN

4. Ijkuak ikaj peuas tiktlapouis

(3 min.) IJKUAK SAN KANIN TITETLAPOUIA. (lmd tlamachtil 1 punto 4).

5. Oksepa xitetlajpaloti

(4 min.) IJKUAK SAN KANIN TITETLAPOUIA. Akin tiktlapouia xikilui ken titlamachtiaj uan xikmaka se tarjeta jw kanin kijtoua ken titlamachtiaj (lmd tlamachtil 9 punto 3).

6. Tlapoualistli

(5 min.) w21.02 págs. 29, 30 párrs. 17-19. Tlamachtil: ¿Tlen techpaleuis ma tiyolpakikan maski titlajyouiaj? (th tlamachtil 14).

TIKCHIUAJ KEN CRISTO

Tlakuikali 46

7. Tiktlakuikiliaj Jehová porque inauak timotlasojkamatij

(15 min.) Tlamachtil inuan nochtin.

Israelitas sapanoua omomojtiayaj ijkuak soldados egipcios okinekiayaj kinmiktiskej pero Jehová okinmakixti ijtik mar Rojo. Ikinon yejuan okitlakuikilijkej ika nochi inyolo porque inauak omotlasojkamatkej (Éx. 15:1-19). Tlakamej opejki tlakuikaj nin yankuik tlakuikali (Éx. 15:21). Jesús uan tokniuan tlen okatkaj achto siglo noijki otlakuikayaj porque okiueyichiuayaj Jehová (Mat. 26:30; Col. 3:16). Axkan noijki tiktlakuikiliaj Jehová ijkuak timonechikouaj uan ijkuak tikinpiaj uejueyij nechikolmej porque inauak timotlasojkamatij. Matikitakan tleka ijkon tikijtouaj. Porque desde 1966 opejki kitlaliaj tlakuikali “Tlasojkamati Jehová” tlen yikin otitlakuikakej.

Sekimej tokniuan tlakamej pinauaj tlakuikaskej inmixpan oksekimej. Oksekimej amo kinpaktia tlakuikaskej porque mokuayejyekouaj amo kualtsin tlakuikaj. Pero matikilnamiktokan tikueyichiuaj Jehová ijkuak tiktlakuikiliaj kanin timonechikouaj. Tokniuan mochijchikauaj kinyektlaliskej kuajkualtsitsintin tlakuikalmej uan kuali kinpejpenaj tlen tlakuikalmej titlakuikaskej ijkuak timonechikouaj. Tejuan san moneki matitlakuikakan uan ijkon tikteititiskej timotlasojkamatij inauak Jehová uan tiktlasojtlaj ika nochi toyolo.

Xikitakan VIDEO Seki tlamantli yomopatlatiuala: Tlakuikalmej tlen ika tikueyichiuaj Jehová (parte 2). Satepan xikintlajtlani: