Jesús “okimatki tlen kijtosneki tetlakamatis”

Jesús nochipa okitlakamatki Jehová (Juan 8:29). Tla nochipa ijkon okichiuaya, ¿tleka Biblia kijtoua “okimatki tlen kijtosneki tetlakamatis porque otlajyoui”? (Heb. 5:8).

Jesús okixnamik miak tlamantli ijkuak okatka nikan tlaltikpak. Pero amo ijkon okipanouaya ijkuak okatka iluikak. Matikitakan tleka ijkon tikijtouaj. Ipapanuan Jesús okitlasojtlayaj Jehová maski okatkaj tlajtlakolejkej pero noijki omonekiaya kintlakamatis (Luc. 2:51). Ye okixiko miak tlamantli tlen okitoktiayaj teopixkej uan tekiuajkej (Mat. 26:59; Mar. 15:15). Noijki “omochi yolyamanki uan otetlakamatki hasta ijkuak okimiktijkej”. Sapanoua otlajyoui ijkuak ijkon okitoktijkej (Filip. 2:8).

Nochi tlen okixnamik Jesús nikan tlaltikpak okipaleui makajsikamati tlen kijtosneki tetlakamatis. Ijkon Jesús okitlalijkej mayeto tekiua, se teopixki tlen kuali tlayekana uan techajsikamati (Heb. 4:15; 5:9). Jehová okachi okipatioitak Jesús ijkuak otetlakamatki maski otlajyoui. Jehová noijki techpatioitas tla tiktlakamatij maski titlajyouiaj (Sant. 1:4).