3. ¿Tleka tlajyouiaj akinmej kuali inyelis?

¿Tleka moneki tikmatiskej?

Amo moneki tlajyouiskej akinmej kuali inyelis. Tla yejuan tlajyouiaj kijtosneki amitlaj ipati ma tikchiuakan tlen kuali.

Ximokuayejyeko nin tlamantli

Miakej kineltokaj ijkuak tiixpoliuij oksepa tinesij. Kijtouaj tla tikchiuaj tlen kuali, okachi kuali tiyetoskej ijkuak oksepa tinesiskej. Pero tla tikchiuaskej tlen amo kuali, titlajyouiskej ijkuak oksepa tinesiskej. Kineltokaj akin yolkuali uelis tlajyouis tla achto okichi tlen amo kuali. Ik non, ma timotlajtlanikan:

• ¿Kox ipati ma titlajyouikan tla nion tikilnamikij tlen otikchijkej?

• ¿Kox ipati timomaluiskej tla titlajyouiskej porque achto yotikchijkej tlen amo kuali?

  ¿TIKNEKI TIKMATIS OKACHI?

  Xikalaki itech jw.org uan xikita video ¿Tleka toTajtsin Dios ok kikajtok ma titlajyouikan?

Biblia kijtoua

ToTajtsin Dios amo techtlajyouiltia

Ualeua itlaj techpanotikisa porque tikatej kanin amo moneki.

“Akinmej motlalouaj amo nochipa tlatlanij, akinmej chijchikauakej amo nochipa tlatlanij ijkuak moteuiaj, ixtlamatkej amo nochipa kipiaj tlakuali, ixtlamatkej amo nochipa kipiaj miak tomin uan akinmej kipiaj miak tlamatilistli amo nochipa kuali kisa tlen kichiuaj porque tinochtin titlajyouiaj uan uelis itlaj amo kuali techpanotikisa” (ECLESIASTÉS 9:11).

Titlajyouiaj porque titlajtlakolejkej

Miakej ijkuak kikakij tlajtoli “tlajtlakoli” mokuayejyekouaj tlen amo kuali tikchiuaj. Pero Biblia noijki kitekitiltia non tlajtoli para techititis Adán uan Eva otechpanoltilijkej tlajtlakoli.

“Yonikpiaya tlajtlakoli ijkuak onineski uan ijkuak onikatka ijtik nonantsin yonikatka nitlajtlakole” (SALMO 51:5).

Tlajtlakoli kichiua ma titlajyouikan

ToTajtsin Dios ayakmo techita ken tiikoneuan porque titlajtlakolejkej uan amo ueli timouikaj iuan oksekimej, ik non, san titlajyouiaj.

“Ijkuak nikneki nikchiwas tlan kuali, nikita nin tlanawátili amo kuali kajki noijtik” (ROMANOS 7:21).

“Nochi tlan Dios okichijchi asta axa tenna iwa choka” (ROMANOS 8:22).