TLAXELOL 8

Tlen ijkuilitok itech Biblia mochiua

Biblia amo san kijtoa tlen melauak opanok, noijki kijtoa tlen panos satepan. Tlaltikpaktlakamej amo ueli kijtoaj tlen panos satepan. Ik non, tejuan tikijtoaj Biblia melauak iTlajtol toTajtsin Dios. ¿Tlen kijtoa Biblia panos satepan?

Tlajtoa itech se ueyi guerra tlen kichiuas toTajtsin Dios. Itech nin guerra toTajtsin Dios kikachiuas itech Tlaltikpak nochi tlen amo kuali uan tlaltikpaktlakamej tlen amo yolkualmej, maski ijkon, ye kinmaluis akinmej kitekichiuiliaj. Jesucristo ueyi tekiua tlen toTajtsin Dios yokitlali, ye kichiuas itekipanojkauan toTajtsin Dios ma kipiakan yolseuilistli uan yolpakilistli, uan noijki kichiuas ayakmo oksepa ma mokokokan nion ma mikikan.

¿Amo melauak tipaki miak pampa toTajtsin Dios kichiuas se yankuik xochitlali nikan itech Tlaltikpak? Maski ijkon, moneki itlaj tikchiuaskej pampa tiyetoskej itech non xochitlali. Itech saiktlami tlapoualistli timomachtiskej tlen moneki tikchiuaskej pampa tikseliskej nochi tlen toTajtsin Dios kinmakas akinmej kitekichiuiliaj. Ik non, xiktlajtolti Tlaxelol CHIKUEYI uan xikita tlen kijtoa Biblia panos satepan.