TLAXELOL 7
¿Akin okatka Jesús?
Jehová okiualtitlanki Jesús nikan Tlaltikpak (1 Juan 4:9)
Achto kichijchiuaskia Adán, Jehová okichijchi itech iluikak se ángel tlen kipia miak chikaualistli. Tla tiknekij tikyolpaktiskej Jehová, noijki moneki tikakiskej nin ángel.
Satepan Jehová okiualtitlanki nin ángel pampa ma tlakati itech Belén ken se konetl uan okitokayotijkej Jesús. Okitlakatili se ichpochtli tlen omotokayotiaya María (Juan 6:38).
Itech Tlaltikpak, Jesús okatka yolkuali, amo oui okatka iuan se motlapouis uan otetlasojtlaya ijkon ken Jehová. Noijki, ika yolchikaualistli otlamachti tlen melauak itech Jehová.
Maski Jesús okatka yolkuali, miakej tlaltikpaktlakamej okikokoliayaj (1 Pedro 2:21-24, NM)
Jesús noijki okinpajti akinmej omokokoayaj uan sekimej akinmej omikej okinyoliti.
Tlayekankej teopixkej okikokoliayaj Jesús pampa okinmiluiaya amo okatka melauak tlen otlamachtiayaj uan tlen okichiuayaj amo kuali okatka.
Saiktlami, tlayekankej teopixkej okinchiualtijkej romanos ma kiuitekikan uan ma kimiktikan Jesús.