TLAMACHTIL 6

Xikijto ken tlapaleuia se texto

Hechos 17:2, 3

XIKILNAMIKTO: Amo san xiktlajtolti texto uan amo san niman xikijto okseki tlamantli. Xikita kox kuali kajsikamatiskej ken mouika texto iuan tlen nanmomachtiskej.

¿KEN TIKCHIUAS?

Xikinmijto tlajtolmej tlen okachi ipati. Ijkuak yotiktlajtolti se texto, moneki xikijto ken mouika iuan tlen tikinmachtis. Kajsikamatiskej tla tikijtojtias tlen okachi ipati noso xikintlajtlanijti uan ijkon kimatiskej tlen tlajtolmej okachi moneki kilnamikiskej.

Tla tikijtos seki tlajtolmej tlen katej itech se texto, moneki kuali xikita kox ok kajsikamatiskej tlen kijtoa Biblia uan ken mouika iuan tlen tikinmachtis.
Xikijtojti tlen tikneki ma kajsikamatikan. Tla tikijtos tleka tiktlajtoltis se texto, xikteititi ken mouika iuan tlen otikijto.

Ma tlapoto moBiblia ijkuak tikyekijtos se texto. Nin kinpaleuis ma kitakan tlen tikijtojtok mouika iuan texto.
Amo oui xitlamachti. Amo xikijto tlen amo itlaj ipati. Xikilnamikto seki tlamantli yikimatij. Ik non, kuali xikita tlen moneki tikinmiluis.