Ma ajsi itech inyolo tlen tikinmachtis

Proverbios 3:1

XIKILNAMIKTO: Xikinpaleui ma kajsikamatikan miak ipati tlen tikinmachtis uan ma kichiuakan.

¿KEN TIKCHIUAS?

• Xikinpaleui ma kitakan kox moneki kipatlaskej tlen mokuayejyekoaj. Xikintlajtlani seki tlamantli uan ijkon kitaskej kox moneki kipatlaskej tlen mokuayejyekoaj.

• Xikinmilui tleka moneki kichiuaskej tlen kuali. Xikinpaleui ma mokuayejyekokan tleka kichiuaj tlen kuali. Xikinmilui okachi ma kitlasojtlakan Jehová, ma kintlasojtlakan oksekimej uan okachi ma kipatioitakan tlen tlamachtia Biblia. Xikinpaleui ma mokuayejyekokan uan amo xikinmajua. Ijkuak tlamis titlamachtis, xikinyolchikaua ma kichiuakan tlen kuali uan amo xikinpinati.

• Xikintlapoui itech Jehová. Xikinmilui Jehová techtlasojtla ijkuak techmachtia, techmaka tlanauatilmej uan principios bíblicos. Xikinpaleui ma mokuayejyekokan tlen kimachilia Jehová uan ken kiyolpaktiskej.