TLAMACHTIL 22
¿Ken uelis titetlapouis?
Xamo ijkuak opejki timomachtia Biblia otimokuayejyeko: “Moneki nochtin kimatiskej tlen kijtoua Biblia”. ToTajtsin Dios kineki nochtin makimatikan pero xamo timomojtia tikinmiluis oksekimej tlen timomachtijtok. Matikitakan tlen mitspaleuis xitetlapoui uan ijkon tiyolpakis.
1. ¿Ken uelis tikinmiluis oksekimej tlen timomachtijtok?
Akinmej okichiuayaj ken Cristo okijtojkej: “Tejuan amo uelis tikkauaskej tikijtoskej tlen yotikitakej uan yotikkake” (Hechos 4:20). Sapanoua okipatioitayaj tlen Jesús okinmachti ikinon okinekiayaj nochtin kintlapouiskej. ¿Tikneki noijki ijkon tikchiuas? Xikita ken uelis tikintlapouis tlen timomachtijtok mofamiliares uan akinmej inuan timouika (xiktlajtolti Colosenses 4:6).
Ijkin uelis tikchiuas
Ijkuak ikaj peuas tiktlapouis uelis tikiluis: “Onechyolchika tlen onimomachti nin semana”.
Ijkuak tikitas ikaj mokokoua noso motekipachoua, xikititi se texto tlen kiyolchikauas.
Tla akinmej inuan titekiti mitstlajtlaniaj tlen tikchiua ijkuak amo titekipanoua, xikinmilui itlaj tlen otimomachti ijkuak omitsmachtijkej noso ijkuak otimonechiko.
Xikinmilui akinmej inuan timouika tlen uelis momachtiskej itech jw.org.
Xikinyoleua oksekimej ijkuak mitsmachtiaj, noijki uelis tikinmititis ken uelis kitlajtlaniskej ikaj makinmachti itech jw.org.
2. ¿Ken mitspaleuis tla titetlapouis iuan tokniuan?
Akinmej okichiuayaj ken Cristo amo san okintlapouiayaj akinmej okinmixmatiayaj. Jesús “ojkintitlanki ojome [...] itech nochi altepemej” para ma tetlapouitij (Lucas 10:1). Ijkon okachi miakej okikakej tlen toTajtsin Dios kichiuas uan akinmej otetlapouiayaj oyolpakiayaj (Lucas 10:17). ¿Mitspaktiskia titetlapouis iuan tokniuan?
MATIMOMACHTIKAN
Xikita tlen mitspaleuis amo ximomojti ijkuak titetlapouis uan ijkon uelis tiyolpakis.
3. Jehová mitspaleuis
Sekimej momojtiaj tetlapouiskej porque mokuayejyekouaj kualaniskej akinmej kintlapouiskej.
¿Timomojtia ijkuak timokuayejyekoua titetlapouis? ¿Tleka ijkon tikijtoua?
Xikitakan VIDEO uan satepan xikitakan tlen namechmachtia.
¿Tlen okinpaleui amo mamomojtikan?
Xiktlajtoltikan Isaías 41:10 uan satepan xikitakan tlen namechmachtia.
Tla timomojtia titetlapouis, ¿tleka moneki timotlatlaujtis?
¿Otikmatiaya?
Miakej tokniuan omokuayejyekouayaj amo keman uelis tetlapouiskiaj. Se tokni itoka Sergey omokuayejyekouaya amo keman uelis tetlapouiskia pero opejki momachtia Biblia. Ye okijto: “Onitetlapouiaya maski onimomojtiaya, ijkon onimoyolchika uan onechpaleui okachi manitlaneltoka”.
4. Xitetlakaita
Ijkuak titetlapouis amo san ximokuayejyeko tlen tikijtos, noijki ximokuayejyeko ken tikijtos tlen tiktematiltis. Xiktlajtoltikan 2 Timoteo 2:24 uan 1 Pedro 3:15 uan satepan xikitakan tlen namechmachtia.
¿Ken uelis tikchiuas ken kijtouaj ninmej textos ijkuak titetlapouis?
Xamo sekimej mofamiliares noso akinmej inuan timouika amo kinpaktis ijkuak tikintlapouis. ¿Tlen uelis tikchiuas tla ijkon mitspanos? ¿Tlen amo moneki tikchiuas?
Tlen okachi kuali, ¿tikiluis tlen moneki kichiuas noso tikpaleuis mamokuayejyeko tleka moneki ijkon kichiuas?
5. Tiyolpakij ijkuak titetlapouiaj
Jehová okinauati Jesús matetlapoui, ¿okipatioitaya Jesús tetlapouis? Xiktlajtoltikan Juan 4:34 uan satepan xikitakan tlen namechmachtia.
Ijkuak kuali titlakuaj kuali timomachiliaj uan tichikajtokej, ¿tleka Jesús okijto ijkuak tikchiuaj tlen kineki toTajtsin Dios yetoskia ken titlakuaj?
¿Ken timomachilis tla titetlapouis?
Ijkin uelis tikchiuas
Xikita ken uelis titetlapouis ijkon ken kiteititiaj ijkuak timonechikouaj.
Xiktlajtlani akin mitsmachtia tlen moneki tikchiuas para noijki uelis tikteititis ken uelis titetlapouiskej ijkuak timonechikouaj. Tla ijkon tikchiuas, tikmatis ken uelis titetlapouis.
Xiktekitilti kanin kijtoua “Sekimej kijtouaj” uan ijkon uelis tikmatis tlen titlanankilis ijkuak sekimej amo kinekiskej mitskakiskej.
SEKIMEJ KIJTOUAJ: “¿Ken tika?”.
Tla ikaj ijkon mitsiluis, ¿ken uelis tiktlapouis tlen timomachtijtok?
XIKILNAMIKTO
Tiyolpakij ijkuak titetlapouiaj uan amo oui peuas titetlapouiskej.
Matikojpauikan
¿Tleka moneki tiktematiltis tlen kichiuas toTajtsin Dios?
¿Ken uelis titetlakaitas ijkuak titetlapouis?
¿Tlen mitspaleuis amo okachi ximomojti?
NIN NOIJKI MITSPAKTIS
Xikita ken uelis titetlapouis ika tarjeta jw.
Xikita naui tlamantli tlen mitspaleuis ijkuak titetlapouis.
“¿Mitspaktiskia titetlapouis uan titlamachtis?” (Akin Tetlapouijtok, septiembre 2020)
Tlen kijtoua Biblia mitsyolchikauas xitetlapoui maski amo tikpia miak xiuitl.
Xikita ken uelis tikintlapouis mofamiliares tlen kijtoua Biblia.