Ken uelis titetlapouiskej

Ken uelis tikinpeualtiskej tlamachtilmej itech achto sábado itech marzo

“Axkan otimitstlajpalokoj pampa itech tonal 14, metstli abril tikilnamikiskej imikilis Jesús. Sekimej kilnamikij pampa mokuayejyekoaj sapanoa miak ipati. Maski ijkon, oksekimej amo kimatij tlen kijtosneki. ¿Timokuayejyekoa imikilis Jesús techpaleuia?” Xikaua ma tlanankili. Xikititi saiktlami tlamachtil tlen kiualika La Atalaya 1 de marzo, uan ximomachtikan tlen kijtoa achto tlajtlanilistli uan kanaj se tlaxelol. Xikinmaka revistas uan xikilui okse tonal timokuepas pampa nanmomachtiskej okse tlajtlanilistli.

La Atalaya 1 de marzo

“Miakej kijtoaj tleka toTajtsin Dios amo kikachiua nochi tlen amo kuali uan tlajyouilistli tlen onka itech Tlaltikpak. ¿Timokuayejyekoa toTajtsin Dios amo motekipachoa totech noso kineki ma titlajyouikan? [Xikaua ma tlanankili. Xiktlajtolti Juan 3:16.] Miakej ika nin tlaxelol kijtoaj toTajtsin Dios melauak motekipachoa totech, maski ijkon, amo kajsikamatij ken techpaleuia imikilis Jesús. Nin revista techiluia imikilis Jesús uelis kitlajtlamis tlajyouilistli uan nochi tlen amo kuali tlen onka itech Tlaltikpak.”

¡Despertad! Marzo

“Otimitstlajpalokoj pampa timitsyekiluiskej itlaj itech se tlaxelol tlen miakej amo kuali kajsikamatij [xiktlajtolti Génesis 1:1]. Sekimej kineltokaj ikaj okichijchi semanauak, maski ijkon, oksekimej amo kineltokaj. ¿Tejuatsin tlen timokuayejyekoa? [Xikaua ma tlanankili.] Miakej amo kineltokaj ikaj okichijchi nochi pampa akinmej tlayekanaj itech tlaneltokalismej tlamachtiaj tlen amo melauak itech Biblia. Nin revista melauak kuali techyekiluia tlen Biblia kijtoa ken opejki semanauak.”