Se yoleualistli tlen miak ipati
1. ¿Keman peuas tikinyoleuaskej pampa ueyi nechikol itech xiuitl 2014?
1 Melauak timochijchikauaskej uan tiktekitiltiskej tomin pampa tikintlakualchiuiliskej toyolikniuan noso tokalchanejkauan, uan noijki tikinyoleuaskej ika miak pakilistli. Noijki ijkon panoa ika toueyi nechikol de distrito uan internacional itech xiuitl 2014, miakej tokniuan yomochijchikajkej pampa techchiuiliskej se tlakuali espiritual. Eyi semana achto tikpiaskej toueyi nechikol uelis tikinyoleuaskej oksekimej tlaltikpaktlakamej pampa noijki ma monechikokan. ¿Tlen techpaleuis pampa tikinyoleuaskej ika yolpakilistli?
2. ¿Tlen techyolchikauas pampa ma tikinyoleuakan?
2 Okachi tiknekis tikinyoleuaskej pampa ma monechikokan tla timokuayejyekoaj ken techpaleuis nochi tlakuali espiritual tlen Jehová techmaka itech nin ueyi nechikol (Is. 65:13, 14). Noijki moneki tikilnamikiskej sejse xiuitl ijkuak tikinyoleuaj tlaltikpaktlakamej tikinmajsij sekimej akinmej kinekij kiueyichiuaskej Jehová. Sekimej tlaltikpaktlakamej akinmej tikinyoleuaskej monechikoskej touan. Maski san keski monechikoskej, nochi tlen tikchiuaskej kiueyichiuas Jehová uan kiteititis ye kineki kinselis miakej (Sal. 145:3, 7; Apoc. 22:17, TNM).
3. ¿Ken tiktemakaskej yoleualistli?
3 Tokniuan tlayekankej kijtoskej ken motemakaskej amatsitsintin, uan tla uelis kinkauaskej inkalijtik akinmej amo kinmajsij noso kox kintemakaskej ijkuak tetlapouiaj itech ojtli. Sábados uan domingos tiktemakaskej revistas ijkuak tikitaskej kinekiskej kintlajtoltiskej. Moneki tiktemakaskej yoleualistli maski tla achto sábado itech metstli moneki tikinpeualtiskej tlamachtilmej ika Biblia. Ijkuak tlamis nin tekitl, melauak tiyolpakiskej tikmatiskej otikinyolejkej miakej tlaltikpaktlakamej pampa ma yakan itech nin ueyi nechikol kanin Jehová okiyektlali se ueyi tlakuali espiritual.