Se yankuik video pampa tikinmachtiskej oksekimej
Miakej tlaltikpaktlakamej yokitakej itech jw.org/ncx se video tlen itoka ¿Tleka moneki timomachtis Biblia? Omochijchi pampa tikinyoleuaskej tlaltikpaktlakamej ma momachtikan Biblia uan amo itlaj ma tlaxtlauakan. Uelis tikitas tla tikchiuas clic kanin kijtoa “Xiktlajtlani se tlamachtil ika Biblia”, itech jw.org/ncx, noso noijki uelis tikpanoltis código QR (código de respuesta rápida) itech escarner, nin codigo uits itech nochtin amatsitsintin tlen yankuikej. Axkan tikitaskej ken uelis tiktekitiltiskej nin video:
Ijkuak oksepa tiaskej tiktlapouitiuij uelis tikiluiskej: “¿Uelis nimitsititis se video kanin kijtoa ken uelis Biblia technankilis tlajtlanilmej tlen okachi ipati?”. Tla kijtoa kema, uelis tikititiskej video itech icomputadora noso itech tocelular.
Tla tiktemaka se yankuik amatsintli ijkuak titetlapouijtok itech ojtli itech ikalijtik ikaj, uelis tikiluiskej código QR uelis kipanoltis itech escaner tlen kipia icelular. Noso noijki uelis tikititiskej video itech tocelular, código QR kichiua ma tikalakikan itech jw.org/ncx ika miakej tlatlamantli tlajtolmej.
Noijki uelis tikintlapouiskej itech nin video akinmej iuan titekitij, iuan timomachtiaj, tokalchanejkauan uan oksekimej tlaltikpaktlakamej. Noijki uelis tikintitlaniliskej itech incorreo ken uelis kajsiskej video pampa yejuan ma kitakan itech inkalijtik.
Tla kuali tiktekitiltiaj nin video uelis tikinpaleuiskej miakej tlaltikpaktlakamej ma momachtikan Biblia uan ijkon uelis kipiaskej yolilistli tlen amo keman tlamis (Hech. 13:48).