Pampa okachi kuali titetlapouiskej: kuali ximokuayejyeko ken peuas titetlapouis
Tleka miak ipati. Tla ijkuak peua tiktlapouiaj ikaj amo kiyolajsi, uelis kichiuas ayakmo ma techkaki. Ik non, miakej tokniuan kijtoaj miak ipati tlajtolmej tlen ika peua titlajtoaj. Maski itech Toteki itech Tekiuajkayotl uan itech amochtli Razonamiento moijtoa tlen uelis tikijtoskej, amo uitsej nochtin tlajtolmej, pampa ijkon tejuan uelis tikajxitiskej. Uan maski nochi techiluis, akinmej tetlapouiaj uelis kipatlaskej seki tlajtolmej noso kitekitiltiskej tlen yejuan okachi kinpaktis. Okachi kuali titetlapouiskej tla achto timomachtiaj tlen tikijtoskej, uan amo tikijtoskej san tlen timokuayejyekoaj ijkuak tiyetoskej ixpan tlaltikpaktlakatl (Prov. 15:28).
Xikchiua nin itech nochi nin metstli:
Ijkuak nanmomachtiskej ken kalchanejkej xikxelokan kauitl pampa nanmomachtiskej ken uelis peuas nantetlapouiskej uan xikchiuakan seki neskayomej.
Ijkuak tias iuan oksekimej tokniuan xikinmilui tlen timokuayejyekoa tikijtos itech tetlapouilistli (Prov. 27:17). Tla tikita amo ajsi itech inyolo, xiktemo okseki tlajtolmej tlen ika peuas titetlapouis.