Itech agosto titetlapouiskej ken amo keman otitetlapouiayaj
Tiktemakaskej se yankuik amatsintli itech nochi Tlaltikpak
1. ¿Tlen tekitl tlen miak ipati mochiuas itech nochi Tlaltikpak ijkuak Tekiuajkayotl kichiuas 100 xiuitl?
1 ¡Melauak miak ipati ma tikueyichiuakan Jehová ika se ueyi tekitl! Pampa yikipia 100 xiuitl opejki itekiuajkayo toTajtsin Dios. Itech agosto itech nochi Tlaltikpak tiktemakaskej se amatsintli tlen itoka ¿Kanin uelis tikajsiskej intlanankilis tlajtlanilmej tlen okachi inpati itech tonemilis? Nin amatsintli kinyoleua ma kitemokan itech Biblia intlanankilis tlajtlanilmej uan noijki kinmiluia jw.org/ncx uelis kinpaleuis.
2. ¿Tlen uelis tikchiuaskej pampa okachi tikueyichiuaskej Jehová itech agosto?
2 Sapanoa motetlapouis. Itech non metstli nochtin akinmej yomoapolaktijkej uelis tekitiskej ken precursores auxiliares san ika 30 horas. Ken agosto kipia makuili viernes, sábados uan domingos, miakej tokniuan akinmej tekitij noso momachtiaj uelis tekitiskej ken precursores auxiliares. Tla akin tikmachtia noso mokone yiuelis tetlapouis, moneki tikiluis tokni akin kinyekana tlayekankej itech tlanechikol. ¡Melauak kinyolchikauas peuaskej tetlapouiskej itech nin metstli! Miakej precursores akinmej yokajxitijkej 840 horas moseuiaj non metstli, pero uelis moyektlaliskej pampa noijki chikauak tetlapouiskej non metstli. Kalchanejkej uelis peuaskej momachtiskej tlen uelis kichiuaskej pampa okachi kiueyichiuaskej Jehová itech agosto (Esd. 3:11; Prov. 15:22).
3. ¿Tlen tikchiaj pampa titetlapouiskej nin metstli tlen miak ipati?
3 Maski itech okseki xiuitl noijki yotitetlapouijkej miak, axkan tiknekij ma motetlapoui ken amo keman otikchiuayaj. Itech agosto, ¿okachi miakej tetlapouiskej, mochiuaskej precursores auxiliares noso yikin peuaskej tetlapouiskej? ¡Jehová ma kiteochiua nochi tekitl tlen mochiuas itech nochi Tlaltikpak pampa itech agosto ma motetlapoui ken amo keman otikchiuayaj! (Mat. 24:14.)