Pampa okachi kuali titetlapouiskej: ma tikteititikan ken mochiua se tlamachtil ika amochtli Tlamachtia Biblia

Tleka miak ipati. Miakej tlaltikpaktlakamej amo kajsikamatij tlen kijtosneki ijkuak tikinmiluiaj titlamachtiaj ika Biblia itech inkalijtik. Mokuayejyekoaj moneki momachtiskej iuan oksekimej noso ika okseki tlamantli. Ik non, ijkuak tikinmiluiskej kox kinekij momachtiskej, okachi kuali ma tikinmititikan ken titlamachtiaj. San ika seki minutos itech inkaltempan tlaltikpaktlakamej, uelis tikinmititiskej amo oui titlamachtiaj ika Biblia uan kinyolpaktis.

Ken uelis tikchiuaskej:

Ijkuak yotikijto tlen motoka, xiktlajtlani tlaltikpaktlakatl kox kitekipachoa tlen panos satepan.
Xikilui miakej tlaltikpaktlakamej noijki kintekipachoa nin tlamantli, satepan xikititi tlamachtilmej tlen kiualika amochtli Tlamachtia Biblia. Xikilui nin amochtli amo oui moajsikamati uan techtlapouia itech tlen kijtoa Biblia panos satepan uan okseki tlamantli, satepan xiktlajtlani tlen tlamachtil okachi kipatioita.
Xikmaka se amochtli uan xikititi tlamachtil tlen okipejpenki. Xikilui tlajtlanilmej tlen katej tlakpak monankiliaj itech non tlamachtil.
Tla tlaltikpaktlakatl ueli, xikilui ma kitlajtolti achto párrafo. Satepan, xiktlajtolti tlajtlanilistli uan ximomachtikan itlanankilis. Xiktemokan tlaxelolmej tlen kipaleuia non tlanankilistli uan itech ximotlapouikan. Xikititi ken tiktemoa uan tiktlapaluia tlanankilistli itech moamoch.
Ximomachtikan okse párrafo, uan xikilui ma kinankili tlajtlanilistli ika tlen okajsikamatki.
Xikyolchikaua, uan iuan ximokaua keman timokuepas pampa nankitlamiskej non tlamachtil.
Tla uelis, xikititi video tlen kajki itech www.jw.org/ncx tlen itoka ¿Ken tikchiuaj se tlamachtil ika Biblia?

Xikchiua nin itech nochi metstli:

Xiktlatlaujti Jehová ma mitsteochiua pampa timochijchikaua tikpeualtis se tlamachtil ika Biblia (Filip. 2:13).
Ximochijchikaua tikteititis ken mochiua se tlamachtil ika amochtli Tlamachtia Biblia, noso tikteititis video ¿Ken tikchiuaj se tlamachtil ika Biblia? ijkuak titetlapouiti.