¿Kuali timoyektlalijtok pampa tikilnamikis iCena toTeko?
Itech tonal 13, metstli nisán, xiuitl 33, Jesús yokimatiaya non saiktlami yoak yetoskia iuan imachtijkauan uan satepan kimiktiskiaj. Ye ok kichiuaskia Pascua uan satepan kichiuaskia okse iluitl tlen miak ipati, iCena toTeko. Pampa miak ipati, omonekiaya achto nochi ma kiyektlalikan. Ik non, okintitlanki Pedro uan Juan pampa ma kitemokan tlen kitekitiltiskej (Luc. 22:7-13). Ik non, sejse xiuitl, akinmej kichiuaj ken Cristo uan kinekij kilnamikiskej imikilis Jesús kuali moyektlaliaj pampa kilnamikiskej (Luc. 22:19). ¿Tlen tlamantli moneki tikchiuaskej pampa ajsis tonal 3, metstli abril?
¿Tlen moneki kichiuaskej akinmej tetlapouiaj?
Ma moyektlalikan pampa okachi tetlapouiskej pampa kinyoleuaskej tlaltikpaktlakamej itech iCena toTeko.
Ma kijkuilokan itech se amatl akinmej kinmachtiaj ika Biblia, inkalchanejkauan, akinmej iuan momachtiaj, akinmej iuan tekitij uan akinmej kinmixmatij pampa kinyoleuaskej.
Ma kitlajtoltikan itech Biblia uan ma mokuayejyekokan tlen opanok ijkuak okimiktijkej Jesús.
Kuali ma kinselikan akinmej touan monechikoskej.