Pampa okachi kuali titetlapouiskej: ma tiktlapouikan akin tlajtoa okse tlajtoli

Tleka miak ipati. Jehová kineki nochtin tlaltikpaktlakamej ma kixmatikan (Hech. 10:34, 35). Jesús okijto kuali tlajtolmej motetlapouis “itech nochi Tlaltikpak pampa ma kimatikan nochi uejueyij altepemej” (Mat. 24:14, TNM). Zacarías noijki okijto tlaltikpaktlakamej “tlen tlatlamantli tlajtoaj itech altepemej” kiseliskej kuali tlajtolmej (Zac. 8:23). Uan itech tlen okitak tlatitlanil Juan, akinmej momakixtiskej itech ueyi tlajyouilistli yetoskej tlaltikpaktlakamej tlen “owalajkeh ik nochteh tlalmeh itech nin tlaltíkpaktli, de nochi familiajteh, iwa de nochi altepemeh non tlatlamantli otlachixtokah iwa tlatlamantli intlajtol okipiayah” (Apoc. 7:9, 13, 14). Ik non, ijkuak tikajsij akin tlajtoa okse tlajtoli kanin titetlapouiaj, moneki timochijchikauaskej tiktlapouiskej.