Ken uelis titetlapouiskej

Akin Tetlapouijtok Enero uan febrero

“Otimitstlajpalokoj pampa timitsyekiluiskej itlaj tlen miakej mokuayejyekoaj itech Biblia. Miakej kitlakaitaj Biblia, pero mokuayejyekoaj oui pampa kajsikamatiskej. ¿Tejuatsin tlen timokuayejyekoa? [Xikkaua ma tlanankili.] Xikita tleka moneki tikmatiskej tlen kijtoa Biblia. [Xiktlajtolti Romanos 15:4.] Nin revista kijtoa tlen ijkuilitok itech Biblia uelis moajsikamatis uan techiluia ken uelis tikajsikamatiskej.”

Kuali tlajtolmej techmaka toTajtsin Dios

“Tikintlajpalojtokej tlaltikpaktlakamej pampa uelis tikinmiluiskej ken uelis kuali momachtiskej Biblia. Nin amatlajkuilol kipia 15 tlamachtilmej tlen kinnankilia ika Biblia, tlajtlanilmej tlen miak inpati. [Xikititi iixko amatlajkuilol uan saiktlami página.] ¿Se tonal yotimomachti Biblia? [Xikkaua ma tlanankili.] Tlamachtilmej tlen kipia nin amatlajkuilol amo oui moajsikamatij. [Xiktemo tlamachtil 3 uan ximomachtikan achto párrafo itech tlajtlanilistli 3. Satepan, xiktlajtolti Apocalipsis 21:4, 5. Tla uelis, xiktlajtolti okse párrafo uan tlaxelolmej tlen kiualika.] Nin amatlajkuilol moaxka. Uelis timomachtis se tlamachtil. Tla tikneki, ijkuak oksepa timokuepaskej, uelis timomachtiskej itech achto tlamachtil.”