“Inamik kuali kixmatij itech ikaltlatsakuil altepetl”

Se siuatl yolkuali kichiua kuali ma tlajtokan itech inamik. Itech itonaluan ueyi tekiua Lemuel, se tlakatl tlen okipiaya isiua yolkuali “kuali kixmatij itech ikaltlatsakuil altepetl” (Prov. 31:23). Tlayekankej uan siervos ministeriales kintlakaitaj. Tla yomonamiktijkej, uelis kuali tekitiskej tla insiua kinpaleuia uan kipiaj kuali inyelis (1 Tim. 3:4, 11). Nonmej tokniuan siuamej innamik kintlasojtla miak, noijki tokniuan itech tlanechikol.

¿Ken uelis kipaleuis se siuatl yolkuali inamik ma tekiti itech tlanechikol?

• Kiyolchikaua ika tlasojtlalistli (Prov. 31:26).

• Kajsikamati inamik moneki tlapaleuis itech tlanechikol (1 Tes. 2:7, 8).

• Amo kitemoa miak tomin nion okseki tlamantli (1 Tim. 6:8).

• Amo kitlajtlania itech tlamantli tlen amo moneki momatis (1 Tim. 2:11, 12; 1 Ped. 4:15).