Para okachi kuali titetlapouiskej: Xikititi ken moyektlalis akin tikmachtia

¿TLEKA MIAK IPATI? Tla akin tikmachtia moyektlalia achto tikmachtiti, okachi kuali kilnamikis uan kajsikamatis tlen momachtis. Ijkon san niman kipias chikauak itlaneltokilis. Maski moapolaktis, noijki moneki moyektlalis para yas nechikolmej, tetlapouiti uan ijkon nochipa kitekichiuilijtos Jehová (Mat. 25:13). Kipaleuis nochipa tla kimatis ken momachtis uan ijkon kichijtos. Desde ijkuak ikaj peuas tikmachtis, moneki tikpaleuis nochipa ma moyektlali ika tlen tikmachtis.

¿KEN TIKCHIUAS?

• 

  Xikititi ken timoyektlalia (Rom. 2:21). Ijkuak timoyektlalis, xiktemo ken kipaleuis tlamachtil (km 11/15 pág. 3). Xikititi moamatlajkuilol ken otimoyektlali.

• 

  Xikyoleua ma moyektlali. Ijkuak yinanmomachtiaj Biblia, xikilui noijki tikmachtis ken moyektlalis uan xikilui ken kipaleuis. Xikilui tlen uelis kichiuas para uelis majxilis. Sekimej tokniuan kintlanetiaj inmiamatlajkuilol para ma kitakan ken moyektlaliaj. Xikyolchikaua ijkuak moyektlalia.

• Xikititi ken moyektlalis. Sekimej tokniuan ijkuak peuaj ikaj kimachtiaj, kititiaj ken moyektlalis.