‘Xikilnamiktokan nochi tlan kuali’

¿Tlen moneki tikilnamikiskej? Filipenses 4:8 kijtoa moneki timokuayejyekoskej ‘tlan milák, tlan kipia tiktlakitaskeh, tlan mijmilaktik, tlan chipawak, tlan teyolpakti iwa tlan moneki se kiyektenewas’. Non amo kijtosneki nochipa timokuayejyekojtoskej tlen kijtoa Biblia. Pero kema moneki timokuayejyekoskej tlen kipaktia Jehová uan amo ma timokuayejyekokan tlen uelis kichiuas ayakmo iuan ma timouikakan (Sal. 19:14).

Oui amo timokuayejyekoskej tlen amo kuali. Moneki timochijchikauaskej porque titlajtlakolejkej uan noijki moneki tikixtopeuaskej tlen kichiua Satanás porque ye “kinawatijtok nin tlaltíkpaktli” (2 Cor. 4:4). Ye kiyekantok nochi tlen panoa itech televisión, radio, Internet noso tlen kisa itech periódico uan kixnamiki tlen techmachtia Jehová. Tla amo kuali tikpejpenaj tlen tikitaj noso tlen tikkakij, amo kuali timokuayejyekoskej uan satepan noijki peuas tikchiuaskej tlen amo kuali (Sant. 1:14, 15).

IJKUAK YOTIKITAK VIDEO AMO MA TIKCHIUAKAN TLEN UELIS KICHIUAS AYAKMO MA TIYETOKAN TIYOLMELAJKEJ: AMO MA TIMOYOLPAKTIKAN IKA TLEN AMO KUALI, XIKINNANKILI NINMEJ TLAJTLANILMEJ:

• 

  ¿Tlen okitaya tokni itech iteléfono uan ken okijtlako?

• 

  ¿Ken okipaleui tlen kijtoa Gálatas 6:7, 8 uan Salmo 119:37?