Para okachi kuali titetlapouiskej: Xitetlapoui ken moneki

¿TLEKA MIAK IPATI? Tlapejpenalmej uan akinmej chantiskej nikan tlaltikpak miakej kinyoleuaj ma konikan “atl non kitemaka semijkak yolílistli” uan amo kitlaxtlauaskej (Apoc. 22:17). Nin atl kineskayotia nochi tlen Jehová yokichi para kinmakixtis nochtin akinmej kinekij kitlakamatiskej para kinkixtilis tlajtlakoli uan mikilistli. Tla tiknekij tikinpaleuiskej akinmej okseki tlamantli kineltokaj uan kichiuaj tlen amo kuali, moneki kuali tikintlapouiskej para kinekiskej techkakiskej (Apoc. 14:6).

¿KEN TIKCHIUAS?

• Xikpejpena tlen texto uan tlen tikijtos kanin titetlapouia para ma ajsi inyolo. Uelis tiktekitiltis kanin kijtoua “ken titetlapouis” noso okse tlamantli tlen yotikitak mitspaleuia. ¿Tlen tikinmiluia uan tlen texto mitspaleuia ma mitskakikan? ¿Tlen yikin opanok noso tlen okachi kintekipachoua? ¿Tlen okachi kintekipachoua tlakamej uan siuamej?

• Ijkuak ikaj tiktlajpalos xikchiua ken ompa kichiuaj (2 Cor. 6:3, 4).

• Kuali xikixmati nochi tlen ika titetlapouiaj uan tlen ika titlamachtiaj, ken videos uan amatlajkuilolmej, ijkon uelis tikintekitiltis ijkuak mitskakiskej.

• Xikinpixto amatlajkuilolmej uan videos ika intlajtol akinmej tikintlapouis.

• Xikinmilui tlen yejuan kinekij kikakiskej (1 Cor. 9:19-23). Ximokuayejyeko: ¿Tlen tikiluis tla ikaj mitsiluia yikin oixpoliuik akin ye okitlasojtlaya?

IJKUAK YOTIKITAK VIDEO, XIKINNANKILI NINMEJ TLAJTLANILMEJ:

• ¿Ken opejki tetlapouia?

• ¿Tlen okipanouaya akin okitlapouiaya?

• ¿Tlen texto okachi kipaleuiskia uan tleka?

• ¿Ken tikchiua para okachi ma kinekikan mitskakiskej kanin titetlapouia?