OKACHI KUALI MA TITLAMACHTIKAN | XIYOLPAKI IJKUAK TITETLAPOUIA
Ma ajsi itech inyolo tlen tikinmachtiaj
Itech toyolo kisa ma tiknekikan tiktlakamatiskej Jehová (Prov. 3:1). Ik non, ma timochijchikauakan ma ajsi itech inyolo akinmej tikinmachtiaj. ¿Ken uelis tikchiuaskej?
Amo san ma tikinmachtikan tlen kijtoua Biblia. Ma tikinmititikan tlen tikinmachtiaj uelis kinpaleuis itech innemilis uan noijki ma mouikakan iuan Jehová. Ma tikinmititikan tlen kijtoua Biblia ma tikchiuakan, kiteititia toTajtsin Dios techtlasojtla uan nochi kuali kichiua. Ma tikinmititikan tikintlasojtlaj uan ma tikintlajtlanikan tlen mokuayejyekouaj tlen tikinmachtiaj. Ma tikinpaleuikan ma kajsikamatikan okachi kuali yetoskej tla ayakmo kichiuaj tlen Jehová kikokolia. Ijkuak kitlasojtlaskej Jehová, tiyolpakiskej.
IJKUAK YOTIKITAK VIDEO TIYOLPAKIJ TIKINPALEUISKEJ OKSEKIMEJ MA KICHIUAKAN KEN JESÚS. OKACHI KUALI MA TITLAMACHTIKAN: MA AJSI ITECH INYOLO TLEN TIKINMACHTIA, XIKINNANKILI NINMEJ TLAJTLANILMEJ:
¿Tleka Ana okitlajtlani Coral tlen omotlapouijkej martes?
¿Ken okipaleui Ana Coral ma kajsikamati itlanauatiluan Jehová ye kiteititia kitlasojtla?
Tla ajsi itech inyolo akinmej tikinmachtiaj, non kinyolinis ma kitekichiuilikan Jehová.
¿Ken okiyole Ana Coral ma kiteititi kitlasojtla Jehová?