¿Ken uelis okachi tlapaleuiskej tokniuan siuamej?

Tokniuan siuamej mochijchikauaj kitekichiuiliskej Jehová (Sal. 68:11). Tlamachtiaj uan miakej precursoras regulares. Miakej tokniuan siuamej tlapaleuiaj ompa Betel, oksekimej misioneras, sekimej tlapaleuiaj kanin kinchijchiuaj kalmej kanin monechikouaj tokniuan uan oksekimej tlapaleuiaj kanin kintlajtolkopaj amatlajkuilolmej. Uan tokniuan tlen kipiaj chikauak intlaneltokilis kinpaleuiaj infamilia uan tokniuan tlen inmiuan monechikouaj (Prov. 14:1). Maski tokniuan siuamej amo uelis yetoskej tlayekankej noso siervos ministeriales uelis mokuayejyekoskej kichiuaskej okseki tlamantli. Ik non, ¿tlen okachi uelis nankichiuaskej uan ijkon nankitekichiuilijtoskej Jehová?

• Xikpiakan namonemilis ken Jehová kineki (1 Tim. 3:11; 1 Ped. 3:3-6).

• Xikinpaleuikan oksekimej tokniuan (Tito 2:3-5).

• Okachi xitetlapouikan uan kuali xikchiuakan.

• Ximomachtikan okse tlajtoli.

• Uelis nanyaskej kanin okachi moneki ma motetlapoui.

• Uelis nankitlajtlaniskej nantlapaleuitiuij Betel.

• Uelis nankitlajtlaniskej nankinekij nanmomachtitiuij kanin kinmachtiaj para akinmej tetlapouiaj iTekiuajkayo toTajtsin Dios.

IJKUAK YOTIKITAK VIDEO “SIUAMEJ MOCHIJCHIKAUAJ KITEKICHIUILISKEJ JEHOVÁ”, XIKNANKILI NIN TLAJTLANIL:

• ¿Ken omitsyolchikajkej tlen kichiuaj nonmej tokniuan siuamej?