Ximochiua precursor

Ma timokuayejyekokan ken okachi uelis tiktekichiuiliskej Jehová porque yitlamis nochi tlen amo kuali (1 Cor. 9:26; Efes. 5:15, 16). Ijkuak timomachtia iuan mofamilia uelis nankitaskej ken okachi nankitekichiuiliskej Jehová, ijkuak peuas okse xiuitl titetlapouiskej. Itech amatlajkuilol Toteki akinmej tikchiuaj ken Cristo nankitaskej ken okachi uelis nankitekichiuiliskej Jehová pero achto ximotlatlaujtikan (Sant. 1:5).

¿Uelis nankipaleuiskej se namofamiliar ma mochiua precursor regular? Pero tla timokuayejyekoua amo tikajxitis horas, ximotlapoui iuan oksekimej precursores (Prov. 15:22). Xiktlajtlani se precursor ijkuak timomachtia iuan mofamilia ken tetlapouia uan satepan xikijkuilo keski horas titetlapouis itech semana. Oksepa ximochiua precursor tla achto yotikatka, xamo axkan yitiuelis.

¿Uelis mochiuas se namofamiliar precursor auxiliar se metstli noso okachi? Tla ayakmo tichikauak, uelis titetlapouis mojmostla tepitsin. Tla amo ueli titetlapouia semana porque tio escuela noso titekipanoua, xamo uelis timochiuas precursor itech metstli tlen kipia okachi miak tonal noso metstli ijkuak onka vacaciones. Itech se calendario xikijkuilo tlen metstli tikneki timochiuas precursor auxiliar uan xikijkuilo tlen tonal titetlapouis (Prov. 21:5).

IJKUAK YOTIKITAK VIDEO XIYETOKAN NANYOLCHIKAUAKEJ PRECURSORES, XIKNANKILI NIN:

• ¿Ken Jehová okimalui tokni Aamand uan tlen techmachtia?