Septiembre okachi tikintemoskej akinmej tikinmachtiskej

Metstli septiembre okachi timochijchikauaskej tikintemoskej akinmej tikinmachtiskej ika amatlajkuilol Tiyoltos uan tiyolpakis. Non metstli uelis timochiuaskej precursores auxiliares uan uelis tiktemakaskej 30 horas. ¿Ken uelis okachi tikintemoskej akinmej tikinmachtiskej?

• Ijkuak ikaj peuas tiktlapouis: Xikititi tlen kijtoua página 16 para okachi kinekis kimatis uan xikilui ken titlamachtiaj. Amo xikinmilkaua akinmej otikinmilui oksepa tikintlapouiti nion akinmej achto omitskakej. Xamo akin amo okinekiaya momachtis axkan kipaktis tlen kijtoua amatlajkuilol uan ken titlamachtiaj. Amo tikinkajteuaskej amatlajkuilolmej kanin amikaj chanti nion tikintitlaniliskej akinmej amitlaj kinekij kimatiskej. Akinmej techyekanaj para titetlapouiskej uelis kitaskej ken uelis titetlapouiskej non metstli.

• Okse tonal nin uelis tikchiuaskej: Tla tokniuan tetlapouiaj ika carritos, ompa uelis kitlaliskej amatlajkuilolmej Tiyoltos uan tiyolpakis. Tla ikaj kineki kipias non amatlajkuilol, xikyekilui uelis momachtis Biblia uan amitlaj kitlaxtlauas. Tla majxilia, uelis tikiluis ken titlamachtiaj noso xikilui satepan uelis tikititis ken uelis momachtis. Tokni tlen tlayekana para titetlapouiskej uelis kinmiluis sekimej tokniuan ma tetlapouitij kanin tlanemakaj para kinyoleuaskej ma momachtikan Biblia. Noijki xikinyoleua ma momachtikan Biblia akinmej iuan titekipanouaj noso oksekimej.

Jesús okijto ma tikinpaleuikan oksekimej ma mochiuakan imachtijkauan uan ma tikinmachtikan (Mat. 28:19, 20, TNM). Tiknekij ijkon tikchiuaskej ijkuak okachi titetlapouiskej ika amatlajkuilol Tiyoltos uan tiyolpakis.