Matitlapaleuikan para mayolpaki tofamilia

Jehová kineki nochtin familias mayolpakikan (Sal. 127:3-5; Ecl. 9:9; 11:9). Pero ualeua amo tiyolpakij porque sapanoua timotekipachouaj noso tikchiuaj itlaj tlen amo kuali. ¿Tlen uelis kichiuaskej familias para yolpakiskej?

Se tlakatl tlen tetlasojtla kitlakaita isiua (1 Ped. 3:7). Mochijchikaua yetos iuan isiua, kajsikamati uan kitlasojkamatilia porque kipaleuia ifamilia (Col. 3:15). Kiluia isiua tlen kuali kichiua uan kiteititia kitlasojtla (Prov. 31:28, 31).

Se siuatl tlen tetlasojtla nochipa kipaleuia inamik (Prov. 31:12). Noijki kikauilia inamik makiyekana (Col. 3:18). Siuatl kiyektlapouia inamik uan kinmiluia oksekimej tlen kuali kichiua (Prov. 31:26).

Tetajmej tlen tetlasojtlaj mochijchikauaj yetoskej inmiuan inkoneuan (Deut. 6:6, 7). Yejuan kinmiluiaj inkoneuan kintlasojtlaj (Mat. 3:17). Kimatij keman kinyektlaliskej uan kiteititiaj kintlasojtlaj ijkuak ijkon kichiuaj (Efes. 6:4).

Konemej tlen tetlasojtlaj kintlakaitaj uan kintlakamatij intatajuan (Prov. 23:22). Kinmiluiaj intatajuan tlen mokuayejyekouaj uan tlen kimachiliaj. Kinkakij intatajuan ijkuak kinyektlaliaj uan kintlakaitaj (Prov. 19:20).

IJKUAK YOTIKITAK VIDEO ¿KEN UELIS TIYOLPAKISKEJ IUAN TOFAMILIA?, XIKNANKILI NIN:

¿Tlen okichijkej nochtin para okachi yolpakiskej?