TIKCHIUAJ KEN CRISTO
Jehová kinmakixtia akinmej moyolkokouaj
Ualeua tinochtin timoyolkokouaj, ijkuak ijkon timomachiliaj amo kijtosneki amo titlaneltokaj. Jehová noijki ualeua moyolkokoua (Gén. 6:5, 6). Pero ¿tlen uelis tikchiuaskej tla sapanoua timoyolkokouaj noso nochipa ijkon timomachiliaj?
Xikilui Jehová mamitspaleui. Ye kitekipachoua ijkuak timoyolkokouaj uan kineki kuali matimomachilikan. Jehová kimatok ijkuak timoyolkokouaj uan ijkuak tiyolpakij. Ye kajsikamati tlen timokuayejyekouaj uan tlen tikmachiliaj (Sal. 7:9b). Jehová uelis techpaleuis ijkuak sapanoua timoyolkokouaj porque kitekipachoua tlen techpanoua (Sal. 34:18).
Amo ximokuayejyeko tlen uelis mitsijtlakos. Tla timokuayejyekouaj tlen amo kuali, ayakmo tiyolpakiskej uan uelis ayakmo timouikaskej iuan Jehová. Ikinon moneki matikmaluikan toyolo, tlen timokuayejyekouaj uan tlen tikmachiliaj (Prov. 4:23).
IJKUAK YOTIKITAK VIDEO TOKNIUAN MOYOLSEUIJTOKEJ MASKI MOYOLKOKOUAJ, XIKNANKILI NIN:
¿Tlen okichi Nikki para amo okachi moyolkokos?
¿Ken okimatki omonekiaya makipajtikan? (Mat. 9:12).
¿Tlen okichi Nikki para makipaleui Jehová?