“Okintlapojpolui akinmej yiuejkika otlajtlakolchijkej”

ToTajtsin Dios techtlapojpoluia porque Jesús otechmakixti ika ieso (Efes. 1:7). Biblia kijtoua toTajtsin Dios “okiteititi kimati mochias uan okintlapojpolui akinmej yiuejkika otlajtlakolchijkej” (Rom. 3:25). Nin kijtosneki toTajtsin Dios opejki techtlapojpoluia ijkuak ayamo okitemakaya makimiktikan iKone. ¿Okiteititiaya okichijtoka tlen kuali tla otetlapojpoluiaya ijkuak ayamo okitemakaya iKone?

Ijkuak Jehová okijto techmakixtiskia, yetoskia ken otechtlaxtla maski ayamo okitemakaya iKone. Ijkon kinmakixtiskia akinmej kineltokaskiaj (Gén. 3:15; 22:18). Jehová okineltokaya iKone motemakaskia ijkuak ajsiskia tonal tlen omoijto uan ijkon techmakixtiskia (Gál. 4:4; Heb. 10:​7-10). Ijkuak Jesús okatka nikan tlaltikpak ipatka toTajtsin Dios okintlapojpoluiaya akinmej otlaneltokayaj. Jesús okintlapojpoluiaya akinmej otlaneltokayaj porque okimatiaya sepa kintlapojpoluiskia ijkuak motemakaskia (Mat. 9:​2-6).