Religión uan guerra tlen panotok altepetl Ucrania | ¿Tlen kijtoua Biblia?

Xikita tlen kijtouaj miakej akinmej tlayekanaj itech religiones tleka onka guerra ompa Ucrania.

• “Patriarca Kirill akin kiyekana religion ortodoxa ompa Rusia, amo kixnamiki tlen axkan kichijtokej itech non altepetl. Akinmej ompa monechikouaj kijtouaj tlen amo melauak itech Ucrania, ik non, Putin tlapaleuia mamochiua guerra ompa Ucrania” (EUobserver, 7 de marzo 2022).

• “Patriarca Kirill noijki okijto Rusia kichiuilia guerra altepetl Ucrania para kipojpoloskej tlajtlakoli. Tlen okijto tlapaleuijtok para makimoaxkatikan Ucrania” (AP News, 8 de marzo 2022).

• “Metropolitano Epifanio I tlen kajki Kiev, kiyekana religión ortodoxa ompa Ucrania, nin lunes okinteochi uan okinyole makinteuikan rusos. Noijki okijto amo tlajtlakoli tla kinmiktiskej soldados rusos” (The Jerusalem Post, 16 de marzo 2022).

• “Tikinpaleuiaj nochtin akinmej tlateuiaj uan akinmej kimaluiaj toaltepe Ucrania. Tikinteochiuaj porque mochijchikauaj para kimaluiskej altepetl uan timotlatlaujtiaj inpatka (Declaración del Consejo de Iglesias y Organizaciones Religiosas de Ucrania,a 24 de febrero 2022).

¿Tlen timokuayejyekoua? ¿Timokuayejyekoua kuali akinmej kijtouaj kichiuaj ken Cristo makinyolinikan oksekimej mayakan guerra? ¿Tlen kijtoua Biblia?

Religión otlapaleui ijkuak opejki mochiua guerra

Yiuejkika maski miakej religiones kijtouaj kinekij mayeto yolseuilistli, tlapaleuiaj para mayeto guerra. Miak xiuitl iTlaixpantijkauan Jehová kijtouaj nonmej religiones san tlakajkayauaj. Matikitakan tlen kijtouaj seki toamatlajkuiloluan:

• Tlamachtil “Las cruzadas: ‘trágica ilusión’” kijtoua católicos otlapaleuijkej makinmiktikan miakej ipatka toTajtsin Dios uan Cristo.

• “Tlamachtil “La Iglesia Católica y África”. Kiteititia amitlaj okichijkej católicos para amo mamoteuikan uan mamomijmiktikan.

• Tlamachtilmej “¿Tiene la culpa la religión?”, “El papel de la religión en las guerras” uan “La religión toma partido” kiteititia ijkuak kichiuaj se guerra tlapaleuiaj católicos, ortodoxos uan protestantes.

¿Uelis tlapaleuiskej itech guerra religiones tlen kijtouaj kichiuaj ken Cristo?

Tlen otlamachti Jesús: “Xiktlasojtla mokni kemi te timotlasojtla” (Mateo 22:39). “Xikintlasojtlakah akimeh nomechkokoliah” (Mateo 5:44-47).

Tlen otlamachti Jesús: “Notekiwajyo amo kajki itech nin tlaltíkpaktli. Porke tla ijkó yetoskia, notlakawah motekilmakaskiah para amo manechtemaktikah” (Juan 18:36). “Akimeh kiwikah iespada, noiwa ika espada kinmiktiskeh” (Mateo 26:47-52).

Ximokuayejyeko: Tla imachtijkauan amo okiuikakej inmiespadas para kipaleuiskiaj Jesús ¿kox uelis kiuikaskiaj para kichiuaskiaj okse tlamantli? Tla tikneki tikmatis ken yiuejkika tokniuan okichijkej ijkon ken Jesús, xikita tlamachtil “El cristianismo y la guerra: ¿son compatibles?”.

¿Tlen kinpanos religiones tlen tlapaleuiaj itech guerra?

Biblia kijtoua toTajtsin Dios amo kinselia religiones porque kijtouaj kichiuaj ken Cristo pero non amo melauak (Mateo 7:21-23; Tito 1:16).

• Amochtli Apocalipsis kijtoua intlajtlakol religiones porque okinmiktijkej “nochteh akimeh okintoskatsontekeh itech nin tlaltíkpaktli” (Apocalipsis 18:21, 24). Tla tikneki tikmatis okachi, xikita tlamachtil “¿Qué es Babilonia la Grande?”.

• Jesús okijto toTajtsin Dios kinpojpolos nochi religiones porque kichiuaj tlen amo kuali, ijkon ken se kuauitl tlen kitemaka amo kuali itlakilo “motsojtsonteki iwa se kitlamotla ijtik tletl” (Mateo 7:15-20). Tla tikneki tikmatis okachi, xikita tlamachtil “¡Se acerca el fin de la religión falsa!”.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images