Tlen mokuayejyekouaj iTlaixpantijkauan Jehová ijkuak miakej okinmiktijkej | ¿Tlen kijtoua Biblia?

27 de enero 2023, miakej kinmilnamikiskej akinmej okinmiktijkej. Xamo tlen opanok yikipia kanaj 75 xiuitl kichiua ximotlajtlani tleka toTajtsin Dios okitekauili miakej makintlajyouiltikan uan makinmiktikan.

• Tla tikneki okachi tikmatis tlen tlamachtia Biblia, xikita tlen kijtoua tlamachtil: “¿Tleka okinmiktijkej judíos? ¿Tleka okitekauili toTajtsin Dios ijkon ma pano?”.

Miakej judíos sapanoua okintlajyouiltijkej uan okinmiktijkej. Pero amo san yejuan, noijki ijkon okinpanok akinmej opouiayaj itech okseki grupos. ITlaixpantijkauan Jehová noijki okintlajyouiltijkej porque okichiuayaj tlen kijtoua Biblia.

• Para okachi tikmatis, xiktlajtolti “¿Tlen okinpanok iTlaixpantijkauan Jehová ijkuak okintlajyouiltijkej?”.

Satepan kuali tiyetoskej

Miakej momojtiaj tla oksepa ijkon opanok. Pero Biblia kijtoua ayakmo oksepa ijkon panos.

• “Ne kuali nikmati tlen namotech nimokuayejyekojtok, ijkon kijtoua Jehová, nimokuayejyekoua itech yolseuilistli uan amo itech ouijkayotl para satepan namechmakas tlen okachi kuali” (Jeremías 29:11).a

Nin melauak mochiuas ijkuak Jehová kipojpolos nochi tlen amo kuali uan kiyektlalis nochi tlen amo kuali kichiuaj. Nin seki tlamantli tlen kichiuas toTajtsin Dios:

• Kinpojpolos akinmej amo yolkualmej tlen tetlajyouiltiaj (Proverbios 2:22).

• Kinpaleuis akinmej kintlajyouiltiaj uan moyolseuiskej (Apocalipsis 21:4).

• Kinyolitis nochtin akinmej yoixpolikej (Juan 5:28, 29).

Tejuatsin uelis tikneltokas melauak mochiuas tlen kijtoua Biblia. Tla tikneki tikmatis tleka, timitsyoleuaj touan ximomachti Biblia.