Photo by Zhai Yujia/China News Service/VCG via Getty Images
¡XIMOMALUIJTOKAN!
Sapanoua tlaatemi | ¿Tlen kijtoua Biblia?
Ipan nochi tlaltikpak miakej tlajyouiaj porque tlaatemi. Xikita tlen opanok itech seki altepemej:
2 de agosto 2023 akinmej tlapaleuiaj itech AP News, okijtojkej: “Yikipiaj kanaj 140 xiuitl [...] amo okachi okiauiaya China. Desde sábado hasta miércoles okiauik uan okiauik kanaj 744.8 milímetros atl”.
3 de agosto 2023 akinmej tlapaleuiaj itech Deutsche Welle, okijtojkej: “Ejekakiauitl tlen itoka Khanun okichi sapanoua makiaui uan maejeka ome tonal ompa Japón. Ome oixpolikej [...]. Non ejekakiauitl kichiuas matlaatemi uan atl moskaltis kanaj 0.6 metros ompa Taiwán”.
24 de julio 2023 akinmej tlapaleuiaj itech BBC News, okijtojkej: “Ompa Nueva Escocia sapanoua otlatenki. Otlatenki porque sapanoua okiauik ompa Atlántico canadiense. Ompa yikipia kanaj 50 xiuitl amo ijkon okiauiaya”.
¿Kijtoua Biblia tleka panoua nin tlamantli?
Ijkon panos itlamian “itlamian tonalmej”
Biblia kijtoua tikatej “itlamian tonalmej” (2 Timoteo 3:1). Jesús okijto “motas miak tlamantli temomojti” (Lucas 21:11). Axkan okachi ijtlakaui tlaltikpak ikinon panoua miak tlamantli, okachi tlaxixini uan miak uelta ijkon panoua.
Tikseliskej itlaj miak ipati
Biblia kijtoua yitikseliskej itlaj miak ipati porque yipanotok miak tlamantli temomojti. ¿Tleka ijkon tikijtouaj? Jesús okijto: “Ijkuak nankitaskej panos nin tlamantli, xikmatikan yiuits iTekiuajkayo toTajtsin Dios” (Lucas 21:31; Mateo 24:3).
Tlen axkan panotok kiteititia iTekiuajkayo toTajtsin Dios tlapaleuis ayakmo matlaxixini uan noijki kinauatis atl (Job 36:27, 28; Salmo 107:29).
Tla tikneki tikmatis ken tlayektlalis iTekiuajkayo toTajtsin Dios, xikita tlamachtil “¿Kox ikaj uelis kiyektlalis tlaltikpak?”.