Miakej tlajyouiaj porque momachiliaj inselti | ¿Tlen kijtoua Biblia?

Miakej okintlajtlanijkej ipan nochi tlaltikpaka ken momachiliaj. Tla okintlajtlaniayaj naui, se okijtouaya momachilia iselti.

• Chido Mpemba, akin tlayekana itech Comisión de Conexión Social de la Organización Mundial de la Salud Social, okijto: “San akin uelis tlajyouis porque momachilia iselti”.

Sekimej kijtoua san momachiliaj inselti akinmej yikipiaj miak xiuitl uan katej inselti pero noijki uelis ijkon momachiliskej telpochmej, akinmej yomonamiktijkej, akinmej amo mokokouaj uan maski mota kuali katej.

• Se tepajti tlen itoka Vivek Murthy uan chanti Estados Unidos, okijto: “Akin momachilia iselti sapanoua tlajyouia, ijkon ken miakej mikij porque kichichinaj kanaj 15 cigarros se tonal noijki miakej omikej porque momachiliaj inselti”.

¿Tlen kijtoua Biblia?

ToTajtsin Dios amo otechchijchi para toselti matiyetokan. ToTajtsin Dios kineki kuali matimouikakan inuan oksekimej uan matiyolpakikan.

• Principio bíblico: “Dios okijto: “Amo kuali kajki mayeto iselti tlakatl” (Génesis 2:18).

Totajtsin Dios kineki iuan matimouikakan. Ye kijtoua touan motokis tla tejuan timotokiaj inauak (Santiago 4:8).

• Principio bíblico: “Pakij akinmej kimatij moneki kixmatiskej toTajtsin Dios, porque yejuan inmiaxka Tekiuajkayotl tlen kajki iluikak” (Mateo 5:3).

Totajtsin Dios kineki matikueyichiuakan inuan oksekimej. Ijkuak ijkon tikchiuaj okachi tiyolpakij.

• Principio bíblico: “Matikitakan ken timosepanpaleuiskej uan ijkon okachi timotlasojtlaskej uan tikchiuaskej tlen kuali. Nochipa matimonechikokan uan [ . . .] moneki timosepanyolchikauaskej” (Hebreos 10:24, 25).

Para okachi tikmatis tleka amo moneki timomachiliskej toselti, xiktlajtolti tlamachtil tlen itoka “Soledad en la era de la comunicación”.